Kun-chú-chè
(Tùi Kun-ông-chè-tō͘ choán--lâi)
Kun-ông-chè-tō͘ sī 1 khoán chèng-hú cho͘-sêng ê hong-sek. Chit khoán chèng-hú lāi-té siōng-koân ê thâu-lâng, sī 1 ê hiat-thóng teng-tài (sè-si̍p) lâi chē-ūi ê ông, chāi-jīm ê ông sù-siông ē thóng-tī kah in koè-sin he̍k-chiá-sī sî-chit (ông sî-chit mā kóng-chò thè-ūi). Sui-bóng toā-to-sò͘ ê ông sī kè-sêng lâi--ê, m̄-koh mā ū chi̍t-koá-á sī soán-kí--chhut-lâi-ê. Ēng soán-kí koat-tēng ê ông-ūi--ni̍h, siōng-chhut-miâ ê tō-sī Thian-chú-kàu-hoē ê kàu-chong.
Tiāⁿ-tiāⁿ thiaⁿ-tio̍h tùi ông ê chheng-ho͘ ū kok-ông, lú-ông, hông-tè, lú-hông, Czar, Kaiser, Shah kap Emir téng-téng.