Thó-lūn:Lêng-hûn im-ga̍k

靈魂音樂

靈魂音樂或者是講靈魂樂是一種音樂的款式，基本的通講是板嘹佮布魯斯(Blues) (R&B)內底的一支。

原起頭，是1950年代到1960年代初期，佇美國的非洲裔福音音樂佮布魯斯(Blues)發展出來的音樂體系，經過一段時間了後，choaⁿ-á對板嘹佮藍調的音樂款式裡予人另外號名，變做咱這馬講的靈魂音樂，因為頭前這个起致，欲開破靈魂音樂佮板嘹佮布魯斯精差佇佗，有較僫講，誠濟音樂的分類抑規氣共(人因)下做伙。

嘛有人認為靈魂音樂窮實就是板嘹佮布魯斯和福音音樂透濫的音樂款式，根據搖滾樂名人堂的定義，靈魂音樂是"對美國烏人的經驗裡產生的音樂，透過共福音音樂、板嘹佮布魯斯做轉換，變做嘹拍重，表現世俗的款式"。