Chúi-chhi

Chúi-chhi

Chúi-chhi sī báng-á ê iù-thâng, thong-siông seng-oa̍h tī bē liû-tōng ê chúi-e̍k. Chí-iàu ū chek-chúi ê só͘-chāi, lóng ū khó-lêng hō͘ báng-á pàng-nn̄g, chō-sêng chúi-chhi ê seⁿ-thòaⁿ.

Joa̍h-thiⁿ-sî nā lo̍h koè tōa-hō͘, to̍h ē ū khó-lêng tī chek-chúi ê khu-e̍k po̍k-hoat thian-káu-jia̍t ah-sī kî-thaⁿ iû báng-thâng só͘ thoân-jiám ê pēⁿ-chèng. It-poaⁿ lâi-kóng, chí-iàu chheng-tû chek-chúi, hō͘ chúi-chhi bô-hoat-tō͘ seng-chûn, tio̍h ē-tàng kiám-chió chia-ê thoân-jiám-pēⁿ ê hoat-seng.

Khóng-chhiok-hî, sam-pan, tōa-tō͘-á téng-téng ê hî-á, lóng ē chia̍h chúi-chhi, tùi chúi-chhi sò͘-liōng ê kiám-chió ū chin-tōa ê hāu-kó.