Tī Tâi-ôan ê Oa̍t-lâm-lâng
Wikipedia (chū-iû ê pek-kho-choân-su) beh kā lí kóng...
Tī Tâi-ôan ê Oa̍t-lâm-lâng sī kóng tòa tī Tâi-ôan ê Oa̍t-lâm-lâng, pau-hâm Oa̍t-chiàn lān-bîn, í-ki̍p tī Tâi-ôan chòe khang-khòe, ia̍h-sī chham Tâi-ôan-lâng kiat-hun lî-chhiáⁿ î-bîn Tâi-ôan ê Oa̍t-lâm-lâng. Chhú-gōa, ū chi̍t-kóa tòa tī Tâi-ôan ê Oa̍t-lâm-lâng sī hui-hoat î-bîn[1], kî-tiong mā-ū jîn-kháu hòan-bē ê siū-hāi-chiá. Tī Tâi-ôan ê Oa̍t-lâm-lâng tû-liáu Oa̍t-cho̍k í-gōa, mā-ū chi̍t-kóa sī Oa̍t-lâm Hôa-jîn [2][3].
Kin-kì Tiong-hôa-bîn-kok Lāi-chèng-pō͘ tī 2006 nî ê thóng-kè, Tâi-ôan tāi-iok ū 104807 miâ Oa̍t-lâm-che̍k jîn-sū[4], kî-tiong tōa-pō͘-hūn sī lô-kang. Kàu 2007 nî 10 go̍eh ûi-chí, ha̍p-kè ū 69464 miâ Oa̍t-lâm lô-kang tī Tâi-ôan kang-chok [5]. Lēng-gōa, tī 2006 nî, lóng-chóng ū 10173 miâ Oa̍t-lâm-lâng kui-hòa chòe Tiong-hôa-bîn-kok kok-che̍k[6], chiàm kui-nî kui-hòa Tiong-hôa-bîn-kok jîn-sò͘ ê 85%, tōa-pō͘-hūn sī lú-sèng phòe-ngó͘.
[siu-kái] Chham-khó chu-liāu
- ↑ 台灣、中國、越南三方合作搞偷渡 16越南人 搶灘落網 - 自由時報
- ↑ 楊聰榮。《從越南觀點看越南台灣人：越僑全球化與移民精神》。
- ↑ 越南華僑勤學中文 敞開心門迎接新生 - 大愛新聞
- ↑ 外僑居留人數按國籍分 - 中華民國內政部
- ↑ 外籍勞工人數－按國籍分 - 中華民國勞委會
- ↑ 我國國籍之歸化、回復及喪失 - 中華民國內政部
