Ìn-nî-gí
Ìn-nî-gí (Bahasa Indonesia) sī Tang-lâm-a kok-ka Ìn-nî ê koan-hong gí-giân, sǹg sī Má-lâi-gí ê chi̍t-ê siū kui-hoān ê hêng-sek. Ìn-nî-gí mā sī Lâm-tó gí-giân ê chi̍t hūn-chú, ū tāi-iok 1700 bān ê chāi-tē sú-iōng-chiá; thong-sè-kài koh ū 2 e̍k lâng ē-hiáu chit khoán gí-giân.
[siu-kái] Su-siá hē-thóng
Ìn-nî-gí ēng Lô-má-jī lâi siá, it-poaⁿ lâi kóng, Ìn-nî-gí ê hoat-im kap pheng-im chin tùi-tâng.
[siu-kái] Goā-lâi-gí
Siū tio̍h si̍t-bîn kap î-bîn ê éng-hióng, Ìn-nî-gí ū chin chē tùi kî-tha gí-giân chioh lâi ê sû-gí. Chhan-chhiūⁿ Kē-tē-gí goân-thâu ê goā-lâi-gí ū polisi (kéng-chhat), wortel (âng-chhài-thâu) téng-téng. Tùi Phû-tô-gâ-gí lâi-ê ū chhan-chhiūⁿ sabun (sap-bûn) kap bola (kiû).
Ìn-nî-gí mā ū chiâⁿ chē Bân-lâm-gí goân-thâu ê goā-lâi-gí, chhan-chhiūⁿ mie (mī), lumpia (lūn-piáⁿ), teko (tê-kó͘). Lēng-goā koh ū Hoân-gí lâi-ê chhan-chhiūⁿ raja (ông), kaca (kiàⁿ/po-lê); A-la-pek-gí lâi-ê kitab (chheh), kamus (sû-tián) téng-téng.
