.cat

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

.cat sī 1 chióng chàn-chō·-hêng siōng téng kip he̍k-miâ (贊助型上頂級域名, Eng-gí: sponsored top-level domain, sTLD); ICANN2005 nî 9 goe̍h chèng-sek phoe-chún sú-iōng. Bo̍k-te̍k sī beh thê-seng Catalunya-gí kap Catalunya bûn-hoà ê lêng-kiàn-tō͘. Che sī tē 1 ê khiā tī gí-giân bûn-hoà ê kak-tō͘ sin-chéng sêng-kong ê he̍k-miâ. Catalunya ê bîn-kan thoân-thé Associació puntCAT sī .cat ê chàn-chō͘ tan-ūi (sponsor).

.cat sī Catalunya chū 1996 nî khai-sí sak ê he̍k-miâ; chit ê miâ oân-ná sī ISO 639-2 kui-hoān ê Catalunya-gí tāi-bé. Tī Catalunya ū chi̍t-koá ki-kò͘, khì-gia̍p iah-sī kò-jîn bē-giàn tiàm .es (Se-pan-gâ) iah-sī .fr (Hoat-kok) chit 2 ê kok-ka he̍k-miâ chhut-pán in ê bāng-ia̍h. Pí-lūn kóng Catalunya chèng-hú ê bāng-chí (www.gencat.net) tō thiau-kang bô iōng .es. Girona kam-goān iōng Gibraltar ê he̍k-miâ .gi mā bô ài iōng .es.

ICANN chheng-chhó piáu-sī kìm-chí lâng iōng .cat chò koan-hē niau-á (Eng-gí: cat) ê lō͘-iōng, tû-hui sī iōng Catalunya-gí siá iah-sī hām Catalunya bûn-hoà ū tī-tāi.

Goā-pō͘ liân-kiat[siu-kái]