DjVu

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
DjVu
File extension: .djvu, .djv
MIME type: image/vnd.djvu
Type code: DJVU
Khai-hoat-chiá: AT&T Research
Keh-sek khoán-sek: Tô͘-tóng keh-sek

DjVu (tha̍k chò deja-vu) sī 1 khoán tiān-naú tóng-àn keh-sek, toā-hūn ēng tiàm saù-biâu lâi ê iáⁿ-siōng, te̍k-pia̍t sī ū bûn-jī kap soàⁿ ê chu-liāu. DjVu ū ēng tio̍h chi̍t-koá khah sian-chìn ê ki-su̍t, chhiūⁿ kóng bûn ham tô͘ hun chân (layer separation), hun-toāⁿ chài-ji̍p (progressive loading), soàn-su̍t pian-bé (arithmetic coding), kap jī-goân iáⁿ-siōng (bitonal image) ê siau-si̍h ap-siok (lossy compression). DjVu chò--chhut-lâi ê bûn-kiāⁿ phín-chit koân, hó-tha̍k, khong-kan sè, chin sek-ha̍p tiàm tī WWW lâi ēng.