Gō͘ tōa sò͘-kiû, khoat-it put-khó
Gō͘ tōa sò͘-kiû, khoat-it put-khó (Hàn-jī: 五大訴求，缺一不可), sī Hoán-sàng-tiong Ūn-tōng--ê kháu-hō, ì-sù sī: "Gō͘ hāng Hoán-sàng-tiong ūn-tōng--ê sò͘-kiû lóng ài si̍t-hiān, khiàm-khoat chi̍t hāng mā bōe-ēng-tit".
Gō͘ tōa sò͘-kiû[siu-kái | kái goân-sí-bé]
Gō͘ tōa sò͘-kiû pau-hâm:
- Thiat-hôe Tô-hoān Tiâu-lē--ê chhó-àn.
- Thiat-tiāu lia̍h 6/12 kap í-āu--ê khòng-cheng oa̍h-tāng chò "po̍k-tōng"--ê tēng-tiāu.
- Thiat-siau ta̍k-ê hoán-sàng-tiong sī-ui-chiá--ê hoān-chōe chí-khòng.
- Sêng-li̍p to̍k-li̍p tiāu-cha úi-oân-hōe, thiat-té tui-kiù kéng-chhat lām-iōng koân-le̍k--ê chêng-hóng.
- Liâm-mi si̍t-hêng chin--ê siang-phó͘-soán.
Kî-tiong kan-ta "thiat-hôe Tô-hoān Tiâu-lē--ê chhó-àn" ū sêng-kong (2019 nî 10 goe̍h 23 ji̍t thiat-hôe).[2]
Chù-kha[siu-kái | kái goân-sí-bé]
- ↑ Lâu Gî-têng (劉宜庭) (Chéng-lí) (2019-09-05). "反送中運動五大訴求vs. 林鄭回應". 自由時報 (Chū-iû Sî-pò). 2020-07-03 khòaⁿ--ê.
- ↑ Niû Sek-bûn (梁碩文) (Pian-e̍k) (2019-10-23). "紛爭逾4個月 港府宣布撤回逃犯條例". 華視新聞網 (Hôa-sī Sin-bûn-bāng). 2020-07-03 khòaⁿ--ê.