Heroin

Heroin ê hòa-ha̍k kò͘-chō.

Heroin/Sì-hō-á, Hàn-mîa hái-lo̍k-eng (海洛英) ia̍h hái-lo̍k-in (海洛因), hòa-ha̍k-sek C₂₁H₂₃NO₅, sī chi̍t-khoán iōng mô͘-hui ha̍p-sêng ê lūi-a-phiàn (opioid) io̍h-bu̍t, ē-tàng chòe chí-thiàⁿ téng hāu-iōng, ū chin kôan ê ki-hōe hō sú-iōng-chiá sán-seng thêng-tō͘ chin kôan ê i-lāi kap nāi-siū-sèng. Kìm-tn̄g chèng-chōng ū put-an, lâu-kōaⁿ, phái-phî-khì, ià-si̍t, khiû-kin téng-téng.