Khì-ap
Wikipedia (chū-iû ê pek-kho-choân-su) beh kā lí kóng...
Khì-ap (atmospheric pressure) sī kóng pau-tī tē-kiû gōa-ûi ê chit-têng khong-khì, khong-khì pún-sin ū tāng-liōng, só͘ sán-seng tùi tē-kiû piáu-bīn ê ap-le̍k. Lán teh-kóng ê phiau-chún-khì-ap sī tī hūi-tō͘ 45-tō͘ ê hái-pîⁿ-bīn, un-tō͘ siát-tēng tī 0-tō͘-C, só͘ niû-chhut--lâi ê ap-le̍k sò͘-kù.
Kap khì-ap ū tī-tāi ê in-sò͘:
- un-tō͘: Khì-ap ōe tè un-tō͘ lâi kái-piàn ap-le̍k tōa-sió. Khong-khì tú-tio̍h sio ōe phòng-tióng, khong-khì tō piàn khah-khin, án-ne khì-ap tō khah-sòe. Khong-khì tú-tio̍h léng ōe lun-kiu, khong-khì tō piàn khah-tāng, án-ne khì-ap tō khah-tōa.
- koân-tō͘: Khì-ap ōe tè koân-tō͘ lâi kái-piàn ap-le̍k tōa-sió, jú-koân khong-khì jú-po̍h, khì-ap jú-sōe. Hái-chúi piáu-bīn nā tn̄g-tio̍h kè-khì-ap (khì-ap sōe) hái-bīn ōe pí pêng-siông seng-koân chiok-chōe, che tō-ū hoat-seng hái-chúi-tò-koàn e ki-hōe.
- hūi-tō͘: Khì-ap ōe tè hūi-tō͘ lâi kái-piàn ap-le̍k tōa-sió. Tē-kiû sī îⁿ-ê, hūi-tō͘ jú-koân (hūi-tō͘ tō͘-sò͘ jú-chōe) siū-tio̍h ji̍t-pha̍k kng-soàⁿ ê liōng in-ūi ji̍t-pha̍k kak-tō͘ phian-chhiâ, kng-soàⁿ ê liōng pun-soàⁿ-khì, sio-tō͘ ōe jú-chió, un-tō͘ ōe khah-kē, khì-ap jú-tōa.
