Pî-pê-ô͘

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Oē-chheⁿ tē-tô͘ (Landsat)

Pî-pê-ô͘ (Ji̍t-bûn:琵琶湖; Biwa-ko) tiàm tī Ji̍t-pún Siga Koān, sī Ji̍t-pún siāng tōa ê chiáⁿ-chúi ô͘, tī Kiaⁿ-to·, Tāi-pán ê tang-pak. In-ūi kīn hit ê kó͘-to·, Pî-pê-ô͘ chit ê miâ chhiâng-chāi chhut-hiān tī kó͘-tián bûn-ha̍k lāi-té.

Ô͘ ê bīn-chek iok-lio̍k 670 km², Awaji-tó ê tōa-sè. Gōa kōan ê hô-chhoan ê chúi lâu ji̍p ô͘ lāi; chia ê chúi kiong-èng hō͘ hū-kīn 1,500-bān lâng sú-iōng.

Pî-pê-ô͘ sī thong sè-kài le̍k-sú tē-3 kú-tn̂g ê ô͘, beh ū 400-bān nî kú, kan-na Baikal-ô͘, Tanganyika-ô͘ koh khah kó͘. Chiah-ni̍h kú-tn̂g ê sî-kan chō-chiâⁿ 1 thò te̍k-pia̍t hoa̍t-phoat ê seng-thài hē-thóng. Kî-tiong ū 58 ê chéng pa̍t-ūi bô ê. Ta̍k-nî ū 5-chheng chiah chúi-chiáu tī chia hioh-kha. Choè-kīn kúi nî in-ūi ín ji̍p-lâi 1 khoán sin chéng ê hî-á (black bass), tì-tio̍h seng-thài ê to-goân-hòa tōa-tōa siū éng-hióng.

Kin-kù Ramsar Kong-iok, Pî-pê-ô͘ tī 1993 nî hông chí-tēng sī 1 ê ta̍t-tit siū pó-hō͘ ê "Ramsar tē-tiám".

Koan-hē bûn-chiuⁿ: Pî-pê

Gōa-pō͘ liân-kiat[siu-kái]

Wikimedia Commons ū koan-hē Lake Biwa ê to-mûi-thé tóng-àn.