Pak-hái Sió Eng-hiông

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Pak-hái Sió Eng-hiông (hàn-jī: 北海小英雄) sī 1 chhut 1970 nî-tāi ê bàng-gah iáⁿ-chi̍p. Ji̍t-pún ê Zuiyô (瑞鷹) Khì-gia̍p Kong-si kah Tek-kok ê Taurus Film ha̍p-chok chhut-phín. Kò·-sū chham-khó Sverige chok-ka Runer Jonsson ê goân-tù Vicke Viking (1963). Ji̍t-bûn phìⁿ-miâ hō 小さなバイキングビッケ ("Sió Viking Bikke"), Tek-gí miâ hō Wickie; Tâi-oân hoan-e̍k chò 北海小英雄.

Hòng-sàng[siu-kái]

Chit chhut tī 1974 nî 1-goe̍h tāi-seng tī Tek-kok kong-kiōng tiān-sī-tâi ZDF hòng-sàng; 4-goe̍h tī Ji̍t-pún Huzi Tiān-sī-tâi hòng-sàng. Lóng-chóng 77 a̍h-sī 78 chi̍p, 1 chi̍p 25 hun-cheng. Kî-thaⁿ ê Europa kok-ka (Italia, Kē-tē-kok, Liân-ha̍p Ông-kok) mā ū chò. Tâi-oân tī 1978 nî 5-goe̍h 16 khai-sí tī Tâi-sī poaⁿ, kàu-kah 8-goe̍h 8 soah. Bat tī 1982 nî 1-goe̍h 27, 1990 nî 5-goe̍h 25 têng-poh. 2004 nî 8-goe̍h tī Tong-sim YOYO TV koh-chài têng poaⁿ--1-piàn (pō·-hūn jîn-bu̍t ū hō sin miâ, mā têng phoè-im).

Kò·-sū[siu-kái]

Kò·-sū ê chú-kak Sió-ui (小威) hām 1 tīn Viking-lâng tòa tī Pak Europa ê Pò·-lân-chhoan (布蘭村, Flake). Sió-ui chit ê cha-po· gín-á bô chhiūⁿ in a-pa Halva Thâu-bo̍k sī 1 ê piau-chún ê Viking ióng-sū. I tian-tò khah gâu chiam-tùi tú--tio̍h ê būn-tê seng siūⁿ thàu-thiat chiah lo̍h-chhiú chìn-hêng. Halva bē-tàng liáu-kái i ê kiáⁿ ê choh-hoat, sui-jiân kóng kiàn-pái to-sī Sió-ui sêng-kong pang-chān in ta̍k-ê tō· kòe lân-koan.

  • Kha-siàu: Sió-ui (Wickie), O·-liông (Halvar), Ylva, Ylvi, Gilby, Tjure, Snorre, Urobe, Gorm, Ulme, Faxe

Chè-chok[siu-kái]

Ji̍t-pún pán:

  • Tō-ián: Hiroshi Saito, Noboru Ishiguro, Kiyoshi Harada.
  • Oē-tô·: Shinichi Tsuji.
  • Kò·-sū: Yuji Fusano, Hiroshi Kaneko, Akira Saiga, Takeshi Hidaka, Chikao Katsui.

Tâi-oân pán:

  • Chú-tê-koa tē-1-pān: sû Tēng Tìn-siong 鄧鎮湘, khek: Ong Se̍k-choân 汪石泉
  • Chú-tê-koa tē-2-pān: sû/khek: Tiuⁿ Bín-siâng 張敏祥

Gōa-pō· liân-kiat[siu-kái]