Pang-chān:丘逢甲
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
| 丘逢甲 | |
|---|---|
 | |
| 個人資訊 | |
| 出世 |
1864年12月26日.svg){kind=small} 清福建省臺灣府淡水廳苗栗堡銅鑼灣（今苗栗縣銅鑼鄉竹森村） |
| 過身 |
1912年2月25號（47歲）.svg){kind=small} 中華民國廣東省鎮平縣（今梅州市蕉嶺縣） |
| 國籍 |
.svg){kind=small} 大清帝國（1864年12月26號－1911年12月31號） 臺灣民主國（1895） 中華民國（1912年1月1號－1912年2月25號） |
| 囝兒 | 丘念臺 |
丘逢甲（1864年12月26號 — 1912年2月25號），客儂。佇福建省臺灣府淡水廳銅鑼灣（今苗栗縣銅鑼鄉竹森村）出世，籍貫彰化縣。是清朝官員、詩人、教育家佮革命家。
生平[siu-kái | kái goân-sí-bé]
丘逢甲佇同治三年（1864年）佇福建省臺灣府淡水廳苗栗堡銅鑼灣（今臺灣苗栗縣銅鑼鄉竹森村、客庄）出世。因為拄仔好是甲子年，所以號做逢甲。丘逢甲祖籍佇廣東嘉應州鎮平（今廣東蕉嶺），籍貫福建省臺灣府彰化縣猫霧東上堡東勢角。
自細漢伊着誠巧，𪜶老爸丘龍章着安排伊去三角仔呂氏筱雲山莊讀冊。十四歲考院試考牢第一名[1]，得着巡撫丁日昌兮賞識，呵咾伊是「東寧才子」；25歲去福州考試，佮呂汝修仝年考牢。隔年（光緒十五年 / 1889年），到北京考試，考牢進士。仝年夆任命佇工部做官，毋過丘逢甲無想欲佇京師做官，着講「爸母老矣需要照顧」，轉來臺灣。轉來以後別儂請伊教冊，丘逢甲捌去臺中「衡文書院」教冊，後來閣佇臺南佮嘉義舉辦新式學仔。
旋去廣東、參加反清[siu-kái | kái goân-sí-bé]
光緒二十年（1894年），甲午戰爭爆發。隔年，清軍拍輸，李鴻章佮日本簽訂《馬關條約》，共臺灣割予日本，臺灣儂足憤慨，丘逢甲嘛寫文予清朝政府反對割讓。條約行氣了後，丘逢甲提議成立民主國，引𤆬紳士共旗仔、璽佮總統印仔挈予巡撫唐景崧，閣贊聲義軍反抗。5月23號，唐景崧發表《臺灣民主國獨立宣言》。5月25，臺灣民主國成立，年號「永清」，唐景崧出任總統，劉永福做大將軍，李秉瑞做軍務大臣，丘逢甲是副總統兼團練使，扞頭義勇軍。[2]唐景崧駐守臺北，丘逢甲佇南崁設兵。[3]
5月29，日軍登陸，占領基隆，守軍拍𣍐過。6月4號，總統唐景崧坐德國兮船旋去廈門。丘逢甲知影了後，感覺欲趕走日本儂是無可能兮代誌，着𤆬規家伙仔旋去廣東嘉應州。[4]離開臺灣進前閣寫詩：「 宰相有權能割地，孤臣無力可回天；扁舟去作鴟夷子，回首河山意黯然。」這亇詩佇丘逢甲過身十外冬了後，𪜶囝丘念臺才共公布。
丘逢甲走去大陸了後，佇廣東繼續教冊、設立新式學仔。
丘逢甲後來積極支持反清兮革命活動。宣統三年（1911年），武昌起義爆發，中國足濟省嘛共響應，廣東宣佈獨立，胡漢民做都督。丘逢甲夆選做代表，選舉孫文做中華民國臨時大總統。
民國元年（1912年），丘逢甲積勞成疾，請假轉去南方。2月25，佇廣東鎮平縣（今梅州市蕉嶺縣）員山里過身，遺言講落土兮時陣愛向南方，因為伊猶閣掛念臺灣。[5]丘逢甲出葬兮時，幾若千儂攏咧哭。
作品[siu-kái | kái goân-sí-bé]
- 《嶺雲海日樓詩鈔》，包含《蟄庵詩存》、《柏莊詩草》、《羅浮遊草》、《元夕無月》
紀念[siu-kái | kái goân-sí-bé]
1961年佇臺灣中部起一間大學紀念丘逢甲，號做逢甲工商學院。1961年，學校正式創建佇臺中市北屯區大坑（今中臺科技大學校址），大坑原本是丘逢甲𪜶阿兄丘先甲開發徛起兮所在，墓仔埔嘛佇遐，丘逢甲嘛捌蹛過遮。後來逢甲工商學院徙去西屯區，1980年改做逢甲大學。
2006年5月，丘逢甲佇廣東兮故居予中華人民共和國國務院公布做全國重點文物保護單位[6]。
丘逢甲兮墓仔埔到今閣佇咧，佮逢甲紀念亭攏是梅州市文物保護單位。𫝛時，佇梅州閣有逢甲大道、逢甲大橋、逢甲冊房等來紀念丘逢甲。[7]
軍艦[siu-kái | kái goân-sí-bé]
歷史評價[siu-kái | kái goân-sí-bé]
好評價[siu-kái | kái goân-sí-bé]
- 丘逢甲足少年着有𣍐䆀兮官位通做，煞共放棄，轉來臺灣教冊；乙未割臺兮時，伊代先提倡獨立抗日；走去大陸了後閣拚力推廣新式教育。伊對國家一直有足懸兮期望，是一亇足愛國兮儂[8]。
- 丘逢甲兮詩文捌得着足濟學者足懸兮評價[9][10]，梁啟超呵咾伊是「詩界革命鉅子」、「天下健者」[11]。
歹評價[siu-kái | kái goân-sí-bé]
| “ | ” |
關於溜旋[siu-kái | kái goân-sí-bé]
- 丘逢甲佇《馬關條約》簽訂了後上書幾若改反對割臺；臺灣民主國成立兮時陣哭甲目屎流目屎滴講臺灣離朝廷足遠，官兵嘛無啥通依靠，若出代誌，朝廷顧𣍐着臺灣，干焦家己保護家己才有法度[12]；乙未戰爭拄仔開始，唐景崧着旋矣。伊閣罵唐景崧猶未拍着旋矣[13]，結果過無偌久嘛旋去大陸[14]走去福建泉州府[8]。
- 有中國學者佇冊內底講，丘逢甲捌𤆬兵抗戰二十工。[15][16]
關於敢有歪哥[siu-kái | kái goân-sí-bé]
趣事[siu-kái | kái goân-sí-bé]
光緒三年（1877年）丘逢甲佇臺灣府考院試，考官是福建巡撫丁日昌。傳說丘逢甲第一亇交卷，丁日昌自按呢注意着伊，着問伊的名姓、年紀；拄仔好丘逢甲生佇甲子年，閣號做逢甲，着講出：「甲年生甲子。」丘逢甲馬上着對出：「丁歲遇丁公。」（因為彼冬是丁丑年，考官閣姓丁）。丁日昌着共講：「免等閱卷，嘛知影你會使考牢。」院試放榜，丘逢甲果然考牢第一名[24]。
相關文章[siu-kái | kái goân-sí-bé]
註跤[siu-kái | kái goân-sí-bé]
- ↑ 資料來源：國家圖書館 臺灣記憶 https://tm.ncl.edu.tw/
- ↑ 《臺灣通史·卷四》：初二日，紳士邱逢甲率人民等公上大總統之章。景崧受之，建元永清，旗用藍地黃虎。以兵部主事丘逢甲為義勇統領，禮部主事李秉瑞為軍務大臣，刑部主事俞明震為內務大臣，副將陳季同為外務大臣，道員姚文棟為遊說使，使詣北京，陳建國情形。
- ↑ 《臺灣通史·卷四》：當是時，全臺之兵，土、客、新、舊為數三百數十營，每營三百六十人。景崧既駐臺北，以逢甲率所部戍附近，備策應。
- ↑ 《臺灣通史·卷四》：十三日，日軍以一大隊迫獅球嶺。臺人請景崧駐八堵，為死守計，不從。營官李文魁馳入撫署，大呼曰：「獅球嶺亡在旦夕，非大帥督戰，諸將不用命」。景崧見其來，悚然立，舉案上令架擲地曰：「軍令俱在，好自為之」。文魁側其首以拾，則景崧已不見矣。景崧既入，攜巡撫印奔滬尾，乘德商輪船逃。將出口，砲臺開砲擊之；適德兵艦泊附近，以其擊己船也，亦開砲擊。當是時潰兵四出，劫藩庫，焚撫署，土匪亦乘發，鬥死者五百餘人，哭聲滿巷。如是兩晝夜。林維源、林朝棟、邱逢甲相率去。
- ↑ 《民國丘倉海先生逢甲年譜》
- ↑ 陈斌华，抗日护台志士丘逢甲故居获定为全国文保单位 Ia̍h-bīn chûn-àn pī-hūn，新华网
- ↑ 梅州市各级文物保护单位 Ia̍h-bīn chûn-àn pī-hūn 中國遺產網
- ↑ 8.0 8.1 《丘逢甲傳》第214頁
- ↑ 《夢苕庵詩話》第89頁
- ↑ 《柳亞子詩選輯》第30頁
- ↑ 《梁任公先生年譜長編初稿》第94頁
- ↑ 清稗類鈔 忠藎類
- ↑ 《丘逢甲與臺灣歷史文化學術研討會文集》，第90頁
- ↑ 丘逢甲傳p71 徐博東 黃志平
- ↑ 廖隆盛〈剖雲行日：丘逢甲傳〉
- ↑ 《近代中國》48期，1985年8月，頁218-224，見頁221
- ↑ 《臺灣通史·卷三十六·列傳八·丘逢甲傳》：「……而逢甲任團練使，總其事，率所部駐台北，號稱二萬，月給餉糈十萬兩。十三日，日軍迫獅球嶺，景崧未戰而走，文武多逃，逢甲亦挾款以去，或言近十萬云。」
- ↑ 《四魂集，魂南集》：「……林朝棟、 楊汝翼、主事邱逢甲皆擁巨資， 棄師潛逃。」
- ↑ 《讓臺記》：「……丘逢甲，各領餉銀三個月。楊汝翼拔隊至大甲，聞變逗留不前，乘間逃回福州，將餉銀席捲而去，於勇在臺輾轉無依。」
- ↑ 《臺海思痛錄》：「……數月之間，逢甲領去官餉銀十餘萬兩，僅有報成軍一稟而已。」
- ↑ 《我的奮鬥史（嶺海微飆）》第68頁
- ↑ 《丘逢甲的一生》第2-3頁
- ↑ 《丘逢甲先生的生平》第35-39頁
- ↑ "【名人軼事】丘逢甲巧對膺榜首 - 人間福報". Goân-pún bāng-ia̍h Pó-chûn tī 2020-04-19. 2020-03-25 khòaⁿ--ê.
參考[siu-kái | kái goân-sí-bé]
 |
Wikisource has original works written by or about: [[:s:|]] |
- 連橫，《臺灣通史》
- 鄭喜夫，《民國丘倉海先生逢甲年譜》，台灣商務印書館，1982年版
- 楊護源，《丘逢甲傳》，臺灣先賢先烈專輯，臺灣省文獻委員會，1997年6月
- 錢仲聯，《夢苕庵詩話》，齊魯書社，1986年
- 柳無非等，《柳亞子詩選輯》，人民文學出版社，1959年
- 丁文江，《梁任公先生年譜長編初稿》，世界出版社，1958年1月
- 易順鼎，《四魂集，魂南集》
- 吳德功，《讓臺記》
- 思痛子，《臺海思痛錄》
- 丘念台，《我的奮鬥史（嶺海微飆）》，海峽學術出版社 ，2002年5月再版
- 蔣君章等，《丘逢甲的一生》，中外圖書出版社，1975年11月
- 郭兆華，《丘逢甲先生的生平》，逢甲工商學院出版，1980年3月
- 徐博東、黃志平，《丘逢甲傳》，秀威資訊出版，2011年3月再版
- 司馬嘯青，《東寧才子：丘逢甲》(上下冊套書)，秋雨文化出版，2011年2月