Si̍p-jī-kun

Tiong-sè-kí chhiú-kó biâu-siá ê Tē-it-chhù Si̍p-jī-kun ê Iâ-lō͘-sat-léng kong-siâⁿ.

Si̍p-jī-kun sī Ki-tok-kàu tùi Au-chiu hoat-khí ê chi̍t hē-lia̍t kun-sū hêng-tōng. Chú-iàu ê te̍k-jîn sī I-su-lân sè-le̍k; jî-chhiáⁿ mā kong-kek kî-thaⁿ ì-kàu sè-le̍k, chhin-chhiūⁿ Su-lá-hu, Iû-thài, Bông-kó͘ ia̍h Tang-chèng-kàu téng-téng. Si̍p-jī-kun ê cheng-chiàn tùi 1096 nî khai-sí, lóng-chóng iân-sio̍k tāi-iok 200 nî.