Sin Bîn-chú Tông-chì Hōe

Sin Bîn-chú Tông-chì Hōe (新民主同志會) sī 1947 nî tī Tâi-oân sêng-li̍p ê chó-phài chèng-tī thoân-thé. Iû hit-sî ê Kok-li̍p Tâi-oân Tāi-ha̍k Hoat-ha̍k-īⁿ ha̍k-seng Tân Péng-ki, Tâi-tāi Hòa-kang-hē chō͘-kàu Lí Hun-san, Lô͘-chiu Lí-ka Lí Chhong-kàng, Thài-pak Tiong-ha̍k kàu-su Lîm Jû-io̍k kap hit-sî chiū-tho̍k Tâi-tāi Lông-keng-hē ha̍k-seng Lí Teng-hui só͘ sêng-li̍p, āu-lâi pī Tiong-kok Kiōng-sán Tóng siàm-thàu chò gōa-ûi cho͘-chit, kái-miâ Tâi-oân Jîn-bîn Kái-hòng Tông-bêng, tī 1948 nî khì hō͘ Tiong-kok Kok-bîn Tóng phòa-he̍k, kî-tiong sêng-oân Lîm Jû-io̍k, Lí Chhong-kàng kap āu-lâi ka-ji̍p ê Chhòa Sūi-khim lóng seng-āu pī chhèng-sat.