Tâi-lâm Liông-san-sī

Tâi-lâm Liông-san Sī (臺南龍山寺) tī Tâi-lâm-chhī Tang-khu, sī Tâi-oân-hú-siâⁿ ê chhit-sī peh-biō chi-it. Pún biō chham Tâi-oân lēng-gōa kúi chō í liông-san-sī hō-miâ ê biō-sī (Tām-chúi Liông-san Sī, Lo̍k-káng Liông-san Sī, Hōng-soaⁿ Liông-san Sī) lóng sī hun-lêng chū Tiong-kok Hok-kiàn-séng Chìn-kang-koān ê Chìn-kang Liông-san Sī. Tâi-lâm Liông-san Sī tī Chheng Khong-hi nî-kan chèng-sek kiàn sī, tī tong-sî Tâi-lâm Tang-mn̂g gōa. Ji̍t-pún sî-tāi Chiau-hô nî-kan in-ūi chhia-lō͘ thok-khoan pī thiah-tû, chiah tī chit-má ê ūi-tì tiông-kiàn.