Tâi-lâm chhī-khu thih-lō͘ tē-hā-hòa kè-ōe
| Tâi-lâm chhī-khu thih-lō͘ tē-hā-hòa kè-ōe | |||
|---|---|---|---|
| Ki-pún chu-liāu | |||
| Kî-thaⁿ miâ | 臺南市區鐵路地下化計畫 | ||
| Chōng-hóng | Tī-leh heng-kiàn | ||
| Êng-ūn tē-khu |
 Tiong-hoâ Bîn-kok (Tâi-oân)Tâi-lâm-chhī | ||
| Khí-tiám Chiong-tiám | Pó-an Chhia-thâu | ||
| Chhia-chām | 6 | ||
| Ho̍k-bū | |||
| Ho̍k-bū lūi-hêng | Tâi-thih, Kheh-ūn | ||
| Êng-ūn tan-ūi | Tâi-oân Thih-lō͘ Koán-lí-kio̍k | ||
| Le̍k-sú | |||
| Ki-su̍t | |||
| Kúi-tō piau-chún | 1,067 hô-bí (chek-kúi) | ||
| Sok-tō͘ | 150km/h | ||
| |||
Tâi-lâm chhī-khu thih-lō͘ tē-hā-hòa kè-ōe (kán-chheng Tâi-lâm thih-lō͘ tē-hā-hòa, Lâm-thih tē-hā-hòa, Hàn-jī: 臺南市區鐵路地下化計畫) sī chi̍t-ê sio̍k-î Tâi-oân Sin si̍p-tāi kiàn-siat chi-tiong Tâi-thih chia̍t-ūn hòa ê thih-lō͘ kái-kiàn kè-ōe, mā-sī Tiong-hôa-bîn-kok chèng-hú tī Tâi-pak thih-lō͘ tē-hā-hòa choan-àn kap Ko-hiông chhī-khu thih-lō͘ tē-hā-hòa kè-ōe í-āu chip-hêng ê tē-saⁿ-ê thih-lō͘ tē-hā-hòa hē-thóng, keng-hùi ū Sin-tâi-phiò 293.6 ek, ū 3 ê tē-hā chhia-thâu: Tâi-lâm, Lîm-sim hām Lâm Tâi-lâm. Goân-pún ī-tēng 2017 nî 12 goe̍h oân-kang, m̄-koh in-ūi kè-ōe ín-khí pō͘-hūn thiah-chhian-hō͘ hoán-tùi, só͘-í iân-āu kàu 2017 nî 3 goe̍h 15 hō chèng-sek tāng-kang. Bo̍k-chiân tī-leh si-kang, ū-kè tē-it kai-tōaⁿ kang-têng tī 2022 nî 12 goe̍h oân-kang.
Kè-ōe lō͘-sòaⁿ[siu-kái | kái goân-sí-bé]
Tâi-lâm chhī-khu thih-lō͘ tē-hā-hòa kè-ōe ê khí-tiám tī Pó-an Chhia-thâu í-pak 2.8 kong-lí, chiong-tiám tī Tōa-kiô Chhia-thâu í-lâm 1.3 kong-lí, lóng-chóng ū 8.55 kong-lí tn̂g. Tû-liáu chit-má ê Tâi-lâm Chhia-thâu piàn-chò tē-hā chhia-thâu í-gōa, koh-ē khoe-ho̍k Lâm Tâi-lâm Chhia-thâu kap cheng-thiam Lîm-sim Chhia-thâu chóng-kiōng 2 ê khu-kan thong-khîn chhia-thâu. Thih-lō͘ tē-hā-hòa liáu-āu, Tâi-lâm Kū Chhia-thâu ē lâu--lo̍h-lâi chò kó͘-chek kap phòe-ha̍p hù-kīn ê thih-tō bûn-hòa chu-sán kái-chò Thih-tō bûn-hòa hn̂g-khu. Tâi-lâm sin Chhia-thâu ē poaⁿ-khì Chiân-hong-lō͘ hām Pak-mn̂g-lō͘ lō͘-kháu tang-pêng hù-kīn (goân-pún sī Tâi-thih Tâi-lâm Chhia-thâu thih-ki kó͘-tō, kū chhia-thâu ê tang-pêng).