Tân Siāu-heng

Tân Siāu-heng (陳紹馨; 1906 nî 6 goe̍h 14 ji̍t – 1966 nî 11 goe̍h 16 ji̍t), Sin-pak-chhī Se̍k-chí-khu chhut-sin, Ji̍t-pún miâ hō-chò San-tiong Chiang-jī (山中彰二). Ji̍t-pún Tang-pak Tè-kok Tāi-ha̍k Bûn-ha̍k-pō͘ pit-gia̍p, Ji̍t-pún Koan-se Tāi-ha̍k siā-hōe-ha̍k phok-sū, sī Tâi-oân tē-it ūi siā-hōe-ha̍k phok-sū, tì-le̍k chāi Tâi-oân siā-hōe-ha̍k, jîn-lūi-ha̍k kap jîn-kháu-ha̍k ê gián-kiù, bat khì tī Bí-kok Phó͘-lîm-su-tùn Tāi-ha̍k chiông-sū jîn-kháu gián-kiù, sī kok-chè ū-miâ ê jîn-lūi-ha̍k-ka kiam siā-hōe-ha̍k-ka.