Tāng lia̍p-chí hòng-siā tī-liâu

Tāng lia̍p-tsí hòng-siā tī-liâu (ji̍t-gú: 重粒子線がん治療 (じゅうりゅうしせんがんちりょう), ing-gú: heavy particle therapy, charged particle radiotherapy, heavy ion therapy tíng-tíng; tāng lia̍p-tsí hòng-siā-suànn gâm-tsìng tī-liâu), sī tsi̍t-luīlī-iōng ka-sok kàu kín tsì kong-sok 70% ê tāng lia̍p-tsí hòng-siā-suànn tī-liâu tsíng-liû ê hong-huat^[1]. In-uī Tāng lia̍p-tsí hòng-siā tī-liâu kū-iú ē-sái tsìn-hîng ko tsè-liōng kio̍k-pōo tī-liâu ê ti̍k-sìng, iōng thuànn lia̍p-tsí sok tsing-khak tīng-uī tsíng-liû ê pēnn-piàn. Teh hōo gâm-tsìng pēnn-tsàu tsiok-gia̍h siong-hāi ê tông-sî, mā ē-tàng siōng-tuā hān-tōo lâi kiám-tsió tuì tsìng-siông sè-pau ê put-lī íng-hióng. Kah hiān-tsāi kóng-huàn sú-iōng ê kong-tsí hòng-liâu sio-pí, Tāng lia̍p-tsí hòng-siā tī-liâu ē-tàng thê-kiong koh-khah hó ê bu̍t-lí tsè-liōng hun-pòo, í-ki̍p koh-khah kuân ê sing-bu̍t-ha̍k hāu-ìng; tsiū-án-ni ta̍t-tio̍h koh-khah kuân ê kio̍k-pōo khòng-tsè-lu̍t hām koh-khah kē ê hù-tsok-iōng^[2]. Tāng lia̍p-tsí hòng-siā tī-liâu sī bo̍k-tsîng siōng sian-tsìn ê hòng-siā liâu-huat tsi-it.