Walter Kohn

Wikipedia (chū-iû ê pek-kho-choân-su) beh kā lí kóng...
Walter Kohn

Walter Kohn (1923 nî 3 goe̍h 9 ji̍t – 2016 nî 4 goe̍h 19 ji̍t) sī tī Ò-tē-lī Wien chhut-sì ê Bí-kok lí-lūn bu̍t-lí-ha̍k-ka. 1998 nî Kohn kap John Pople chò-hoé the̍h tio̍h Nobel Hoà-ha̍k Chióng, piáu-chiong in thê-seng tùi bu̍t-chit ê tiān-chú sèng-chit ê lí-kái. Kohn sī bi̍t-tō͘ hâm-sò͘ lí-lūn (density functional theory) ê khai-ki-chó͘, chit ê lí-lūn hō͘ lâng ē-tàng teh chhú-lí tiān-chú bi̍t-tō͘ (electronic density) ê sî kā liōng-chú le̍k-ha̍k (quantum mechanical) ê hāu-èng mā chò-tīn khó-lū (m̄-bián ēng chē chē chē kò-piat ê pho-hâm-sò͘ lâi chhú-lí). Án-ni-siⁿ, kè-sǹg tō ke chin kán-tan; tùi tiān-chú, goân-chú, hun-chú ê kiat-kò͘ mā ke khah hó liáu-kái.