Pún-tó-lâng

Tâi-uân gī-huē tshíng-guān ūn-tōng.

Pún-tó-lâng (本島人, ほんとうじん) sī Ji̍t-pún sî-tāi Tâi-uân Tsóng-tok-hú (臺灣總督府) iáu-ū Tâi-uân-lâng (臺灣人) ka-kī tuì Tâi-uân-pún-tó (臺灣本島) tsū-bîn ê tshing-hoo. Nā beh kā Pún-tó-lâng hun hōo kah siông-sè, iáu-koh ē-sái hun-tsò Hok-kiàn-lâng (福建人), Kńg-tang-lân/Kheh-ka-lâng (廣東人/客家人), Sio̍k-huan/Phêⁿ-po͘-cho̍k (熟番/平埔族), kah Tshenn-huan/Ko-sa-cho̍k (生番/高砂族); līng-guā, Sio̍k-huan hām Tshenn-huan ū-tang-sî mā ē to̍k-li̍p hun-tsò Huan-lâng (番人). Hit-tsūn, Tâi-uân-lâng kiò Ji̍t-pún-lâng Lāi-tē-lâng (內地人). Tsiàn-āu, Tâi-uân-lâng uānn kiò ka-kī Pún-síng (本省), kiò Tiong-kok-lâng Guā-síng-lâng (外省人). Kīn-nî, Tâi-uân-lâng phóo-phiàn tsū-tshing Tâi-uân-lâng (台灣人).