Tn̂g Hōng
| Tn̂g Hōng | |
|---|---|
| 唐鳳 | |
.jpg) | |
| Tiong-hôa Bîn-kok hêng-chèng-īⁿ chèng-bū úi-oân | |
|
Chiū-jīm 2016 nî 10 goe̍h 1 ji̍t | |
| Kò-jîn chu-sìn | |
| Chhut-sì |
1981 nî 4 goe̍h 18 ji̍t (43 hòe) Tâi-oân Tâi-pak-chhī |
Tn̂g Hông (Hàn-jī: 唐鳳, Eng-gí: Audrey Tang, 1984 nî 4 goe̍h 18 ji̍t - ), sī Tâi-oân ê chū-iû nńg-thé thêng-sek siat-kè-su kah chèng-tī jîn-bu̍t, tì-le̍k tī chē hāng choan-àn ê khai-hoat kah î-hō͘, sī Haskell kah Perl siā-kûn léng-tō-chiá, mā-sī g0v lêng-sî chèng-hú he̍k-sim sêng-oân. Tn̂g Hōng sè-hàn ê sî-chūn bô koàn-sì thoân-thóng chèng-kui kàu-io̍k, ùi 14 hòe khai-sí tī chhù--lí chū-ha̍k. I kòe-khì bat tī BenQ kah Apple Inc. tam-jīm kò͘-būn ê chit-bū, mā tn̂g-kî chham-ú khai-hòng goân-sí-bé siā-kûn hia̍p-chok, chú-tō vTaiwan téng-téng pêng-tâi cháu-hiòng.
I tī 2014 nî kàu 2015 nî chi-kan tam-jīm hêng-chèng-īⁿ hi-gí sè-kài hoat-kui tiâu-sek kè-ōe kò͘-būn, mā-sī Tiong-hôa Bîn-kok kok-ka hoat-tián úi-oân-hōe khai-hòng chu-liāu chu-sûn úi-oân-hōe kah cha̍p-jī-nî kok-bîn ki-pún kàu-io̍k khò-têng hoat-tián úi-oân-hōe úi-oân, kâng-sî mā kah Hoat-kok gōa-kau-pō͘, Hoat-kok keng-chè châi-chèng-pō͘, Pa-lí chhī-chèng-hú, Se-pan-gâ Madrid chhī-chèng-hú tī sò͘-ūi tī-lí léng-he̍k ha̍p-chok. 2016 nî 8 goe̍h, hêng-chèng-īⁿ īⁿ-tiúⁿ Lîm Choân jīm-bēng ū bāng-lō͘ chhòng-gia̍p keng-giām ê Tn̂g Hōng tam-jīm hêng-chèng-īⁿ chèng-bū úi-oân, hū-chek tok-tō sò͘-ūi keng-chè kah khai-hòng chèng-hú hoat-tián, mā-sī tē-it ūi khoa-sèng-pia̍t lú-sèng tam-jīm hêng-chèng-īⁿ chèng-bū úi-oân. I piáu-sī chìn-ji̍p hêng-chèng-īⁿ liáu-āu, ē thàu-kòe sò͘-ūi ki-su̍t kah hē-thóng hú-chō͘ kong-bū thé-hē kai-koat būn-tê, mā kiông-hòa chèng-hú pō͘-mn̂g kah kong-bîn kho-ki, kong-kiōng siā-kûn ê tùi-ōe kah ha̍p-chok. Gōa-kok mûi-thé ēng "choân-kiû siú-ūi khoa-sèng-pia̍t pō͘-tiúⁿ" siāu-kài i, mā-sī Tiong-hôa Bîn-kok tē-it ūi sò͘-ūi chèng-úi.
Tn̂g Hōng tī chèng-úi jīm-lāi tiāⁿ-tiāⁿ ēng Robot ti̍t-pò ê kho-ki tāi-piáu Tâi-oân chham-ú Liân-ha̍p-kok Au-chiu chóng-pō͘ ê bāng-lō͘ tī-lí kok-chè hōe-gī[1], Liân-ha̍p-kok Jîn-lūi chù-khu kui-ōe-sú (UN-HABITAT) tī Kuala Lumpur kí-hêng ê sè-kài siâⁿ-chhī lūn-tôaⁿ[2], Liân-ha̍p-kok a-thài keng-chè siā-hōe úi-oân-hōe tī Seoul kí-pān ê A-thài éng-hióng-le̍k tâu-chu kang-chok-hong, mā chhin-chū chham-ú Liân-ha̍p-kok éng-sio̍k hoat-tián bāng-lō͘ tī Vaticano kí-pān ê jîn-kang tì-hūi gián-thó-hōe[3] téng-téng.
Tn̂g Hông goân-miâ Tn̂g Chong-Hàn (Hàn-jī: 唐宗漢), sī Lo̍k-káng lâng kah Tâi-oân gōa-séng-lâng liân-in tē-saⁿ tāi, hū-chhin Tn̂g Kong-hôa bat tam-jīm Tiong-kok sî-pò hù chóng pian-chip kah Tân Lí-an kèng-soán chóng-thóng ê hoat-giân-jîn, bú-chhin Lí Ngá-kheng sī Siong-gia̍p chiu-khan chêng hù chóng pian-chip.
Chá-nî seng-oa̍h
[siu-kái | kái goân-sí-bé]Tn̂g Hōng goân-té hō-chò Tn̂g Chong-hàn. I chū sè-hàn tio̍h chiok chhong-bêng, mā chin-chá tio̍h bat-jī tha̍k-chheh. 5 hòe ê sî khai-sí tha̍k kok-kok keng-tián tù-chok, sió-ha̍k 1 nî ē-hiáu kái liân-li̍p hong-têng-sek[4], 8 hòe chiap-chhiok tiān-náu kah têng-sek gí-giân ê léng-he̍k. 12 hòe khai-sí, i ēng Perl lâi siá têng-sek, 2 tang āu, in-ūi bô koàn-sì ha̍k-hāu ê seng-oa̍h kah siū-tio̍h tông-o̍h ê khi-hū, Tn̂g Hōng lî-khui ha̍k-hāu kàu-io̍k, tī chhù--lí chū-ha̍k.[5] 19 hòe ê sî, Tn̂g Hōng í-keng tī nńg-thé kong-si khang-khòe. I siat-kè ê nńg-thé bē liáu chiok-hó, siū-tio̍h chhī-tiûⁿ ê hoan-gêng.[6] Put-chí chiōk-che Tâi-oân kho-ki kong-si ê tōa-thâu-ke kah chú-koán chhōe i chò kò͘-būn, sīm-chì chhiūⁿ Intel chit-khoán ê kok-chè kong-si mā tâu-chu Tn̂g Hōng ê kong-si sêng-ûi kó͘-tong.
.jpg)
2005 nî té, Tn̂g Hōng thàu-kòe chhiú-su̍t kái-piàn ka-kī ê sèng-pia̍t, sêng-ûi chi̍t-ê lú-sèng, jî-chhiáⁿ mā keng-kái ka-kī ê seⁿ-miâ. [7]
Tī khai-hòng siā-kûn ê kòng-hiàn
[siu-kái | kái goân-sí-bé]- g0v lêng-sî chèng-hú
- Thài-iông-hoa ha̍k-ūn
- khai-hòng chèng-hú
Chèng-tī seng-gâi
[siu-kái | kái goân-sí-bé]2016 nî, tong-sî ê hêng-chèng-īⁿ-tiúⁿ Lîm Choân hi-bāng ē-sái cháu-chhōe ū kho-ki hoat-lu̍t choan-tióng, he̍k-chiá bat sin-chhòng ê jîn-châi tam-jīm chèng-bū úi-oân, hū-chek chèng-hú kah sán-gia̍p-kài chi-kan ê kau-thong. Siū-tio̍h kok-kài ê thui-chiàn, Tn̂g Hōng sêng-ûi tiōng-iàu jîn-soán, i ka-kī keng-kòe su-khó liáu-āu, tông-ì chiap-siū chit-ê iau-chhiáⁿ.[8]
2016 nî 8 goe̍h 25 ji̍t, hêng-chèng-īⁿ soan-pò͘ Lîm Choân koat-tēng jīm-bēng Tn̂g Hōng tam-jīm chèng-bū úi-oân.[9] Tong-sî kan-ta 35 hòe ê Tn̂g Hông sī siōng-kài siàu-liân ê chèng-bū úi-oân, mā-sī le̍k-sú-siōng tē-it ê khoa-sèng-pia̍t ê koh-oân.
Kò-jîn seng-oa̍h
[siu-kái | kái goân-sí-bé]Tī 1997 nî ê chi̍t phiⁿ pò-tō tang-tiong, Tn̂g Hōng ê tì-siong kin-kù kiám-giām chhek-tēng ê kiat-kó chhiau-kòe 180, só͘-í i it-ti̍t hō͘ lâng chheng-ûi "tì-siong 180 ê thian-châi"[10]. Put-jî-kò, i pún-jîn piáu-sī só͘-ūi ê "180" sī-teh kóng i ê sin-ko.[11]
Tû-liáu siá têng-sek í-gōa, Tn̂g Hōng mā ē-hiáu chhòng-chok si-koa, siá sàn-bûn, tôaⁿ kǹg-khîm kah siá ga̍k-khek téng-téng. I mā bat jia̍t-tiong chóa-pâi iû-hì "Magic: The Gathering", siōng-hó ê sêng-chek sī tī a-thài-poe chìn-ji̍p 8 kiông.[12]
Chham-khó
[siu-kái | kái goân-sí-bé]Gōa-pō͘ liân-kiat
[siu-kái | kái goân-sí-bé]Chù-kha
[siu-kái | kái goân-sí-bé]- ↑ 吳毓敏. 外交突圍! 數位機器人直播發功 唐鳳「登上」聯合國會議發言. 中時電子報. 2017-12-23 [2020-03-08].
- ↑ 侯姿瑩. 李明宗, 編. 聯合國世界城市論壇 唐鳳影片分享台灣社會創新. 中央通訊社. 2018-02-13 [2020-03-08].
- ↑ 唐鳳數位外交 赴梵蒂岡談台灣民主. 臺灣英文新聞. 2018-03-14 [2020-03-08].
- ↑ 上學被圍毆想自殺...天才唐鳳活出自我 1人辯倒全場. 《自由時報》. 2016-08-26 [2020-03-08].
- ↑ 當黑客走入行政院，35歲的唐鳳會給台灣帶來什麼？ Archived 2016-09-14 at the Wayback Machine.. 端傳媒. 2016-08-25 [2020-03-08].
- ↑ 古美蓮. 十四歲當老闆的電腦神童. 《商業周刊》. 2004-03-03 [2020-03-08].
- ↑ 塗鵬揚. 最年輕政委、國際駭客唐鳳 24歲決定從「他」變成「她」. 上報. 2016-08-25 [2020-03-08].
- ↑ 唐筱恬. 「亞州矽谷」計畫與新創圈卡卡 林全網羅專業人才修補. 上報. 2016-08-27 [2020-03-08].
- ↑ 林孟汝. 唐鳳入閣 張善政：新政府夠大膽. 中央通訊社. 2016-08-28 [2020-03-08].
- ↑ 台灣防疫日本要學習 日媒捧台批日點閱飆高. 中央社. 2020-03-02. [2020-03-08].
- ↑ 叫我神童 唐鳳卻說：成年人的智商沒什麼意義. Yahoo新聞. 2017-02-11. [2020-03-08]
- ↑ 電競潮擋不住 唐鳳自曝曾熱衷「魔法風雲會」[íng-íng bô-hāu ê liân-kiat]. UDN. 2016-10-14. [2020-03-08].