2005 nî 12 goe̍h
Wikipedia (chū-iû ê pek-kho-choân-su) beh kā lí kóng...
[siu-kái] 12 goe̍h 22
Ùi Hubble Thài-khong Tiàu-kiàⁿ hip--tio̍h ê siòng-phìⁿ, chhoē tio̍h Thiⁿ-ông-chheⁿ koh ū 2 ê khoân kap 2 lia̍p oē-chheⁿ. (AP/YahooNews, CNN, SpaceRef.com)
[siu-kái] 12 goe̍h 18
- Tek-kok Leipzig ê Michael Hofreiter chhoā-tūi sêng-kong kā khu̍t-chéng ê mammoth ê DNA kái--chhut-lâi. (BBC)
[siu-kái] 12 goe̍h 6
- WWF (World Wildlife Fund, Sè-kài Iá-seng-tōng-bu̍t Ki-kim-hoē) tī Borneo hip tio̍h 1 chióng sin ê chhī-leng tōng-bu̍t. Chit chiah chhan-chhiūⁿ lemur ê chia̍h-bah tōng-bu̍t sio̍k tī Viverridae-kho, kap chang-sui-niau, káu-chat-niau khah sio oá. (BBC)
[siu-kái] 12 goe̍h 3
- Tâi-oân ê Kok-bîn-tóng tōa-iâⁿ kōan-chhī-tiúⁿ sóan-kí, lóng-chóng the̍h tio̍h 14 se̍k, pau-koah Tâi-pak-koān, Gî-lân-koān, Ka-gī-chhī, Lâm-tâu-koān, Chiong-hòa-koān. Bîn-chìn-tóng kan-taⁿ iâⁿ 6 se̍k. (Tiong-iong Sóan-kí Úi-ôan-hōe)
[siu-kái] 12 goe̍h 1
- Tang-kok Innsbruck Tāi-ha̍k ê Liōng-chú Kng-ha̍k kap Liōng-chú Chu-sìn Gián-kiù-só͘ sêng-kong chò-chhut ū 8 lia̍p liōng-chú ê liōng-chú-tîⁿ (quantum entanglement), ē-tit chiâⁿ-chò 1 ê qubyte (liōng-chú ūi-gôan-cho͘, quantum byte), iā tō sī 8 ê qubit (liōng-chú ūi-goân, quantum bit). Che sī beh chè-chō liōng-chú tiān-naú chin tiong-iàu ê 1 ê lō͘-chām-pi. (heise online, wikinews)
