Eng-pōng

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Eng-pōng (pound) sī Liân-ha̍p Ông-kok ê hoè-pè. 1 eng-pōng koh hun-chò 100 eng-sián (pence).

Eng-kok chîⁿ ē hō-chò "pōng" sī in-ūi 1 pōng ê "sterling gîn" tō ta̍t 1 eng-pōng, iā "sterling" koh hō͘ lâng kiò-chò "pound sterling" (pound tō sī pōng ê Eng-gí). "Sterling gîn" sī chhú 92.5% iah koh khah chē ê gîn só͘ chù ê hūn-kim.

Eng-pōng ê kì-jīn sī £, chit-ê hō kap toā-pún lô-má-jī ê L sio-siâng-á sio-siâng, i ê khí-tì sī in-ūi L tāi-piáu "Libra", iā tō sī Latin-bûn ê pōng. Nā eng-sián (penny) ê kì-jīn sī "p" (tha̍k-chò "pee", ho͘-im chhiūⁿ jī-bó ê tho̍k-im). Poàⁿ eng-pōng thang siá-chò 50p iah £0.50, Eng-gí tō kóng "fifty pee".

Taⁿ eng-pōng ū hoat-hêng ê gîn-kak-á ū 1p, 2p, 5p, 10p, 20p, 50p, £1 kap £2. Choá-phiò ū £5, £10, £20, kap £50--ê.

Kū hē-thóng[siu-kái]

Ùi 1971 nî khai-sí, 1 pōng chiah thiah-chò 100 eng-sián (penny), nā che chìn-chêng 1 pōng sī thiah-chò 20 shilling. 1 shilling koh thang hun-chò 12 eng-sián.

Shilling kap eng-sián (penny) ê kì-jīn sī ùi Lô-má ê gîn-kak-á lâi--ê, chhú "s" tāi-piáu shilling (lâi-goân sī Latin-bûn ê "solidus"), "d" tāi-piáu eng-sián (penny) (lâi-goân sī Latin-bûn ê "denarius"). Hit chūn ê 1 sián koh ē-tàng thiah-chò 4 farthing. Chóng--sī farthing tī 1961 nî tō bô koh sú-iōng--a, in-toaⁿ sī i kè-ta̍t siuⁿ-koè-thâu kē.

Tī 1971 nî chìn-chêng ê kū hē-thóng ū hoat-hêng chiah-ê gîn-kak-á: 1/2d (poàⁿ sián; ha'pence), 1d (1 sián, onepenny), 3d (3 sián, threepence; Eng-kok-lâng ka hō-chò "threepenny bit"); 6d (6 sián, sixpence); 1s (1 shilling, mā kóng-chò "one bob"); 2s (2 shilling, kóng-chò "a florin"); 2s6d (2 shilling koh 6 sián, kóng "half a crown").