Goá Ka-tī

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Goá Ka-tī (Eng-gí: My Own Self) sī Joseph Jacobs chhá-chi̍p ê Eng-gí gín-á-kó͘. Ruth Manning-Sanders ê Scot-tē Bîn-sio̍k-kó͘ (Scottish Folk Tales) lāi-té mā ū siu.

Khài-iàu[siu-kái]

Ū 1 tùi bú-á-kiáⁿ toà tī 1 keng sè keng-á chhù, hit kho͘-ûi-á ū chē chē 'hó chhù-piⁿ'. Ū 1 àm gín-á-kiáⁿ bô ài khì khùn, lāu-bú sim-thâu ak-chak, ka-tī seng khì hioh. Boé--á ū 1 ê cha-bó͘ gín-á ùi ian-tâng-kóng lo̍h--lâi, kóng i hō chò "Goá Ka-tī"; cha-po͘ gín-á ìn kóng i mā hō kāng miâ. In chò-tīn sńg 1 khùn. Lō͘-boé cha-po͘ gín-á lā hoé-thoàⁿ ê sî, bô-sè-jī kā thoàⁿ-iù-á poé tùi cha-bó͘ gín-á ê kha--khì. Cha-bó͘ gín-á toā-siaⁿ ki. Hit tia̍p ū siaⁿ-im ùi iân-tâng-kóng thoân--lo̍h-lâi, mn̄g kóng hoat-seng siáⁿ tāi-chì, cha-bó͘ gín-á ìn kóng "goá ka-tī" khì thǹg tio̍h i ê kha. Hit ê siaⁿ-im kóng i bô eng-kai ka-tī ti hia pìⁿ-ku-pìⁿ-pih; soà--lo̍h 1 ki tn̂g chhiú-kut ùi ian-tâng-kóng chhun--chhut-lâi, kā cha-bó͘ gín-á giú cháu, siau-sit--khì.

Liáu-āu, hoān-nā a-bú kiò in kiáⁿ khì khún, i lóng chiâⁿ thiaⁿ-chhùi.

Hō-ló-oē ê pán-pún[siu-kái]

1997 nî Tân Tēⁿ Hông-giâu ùi Eng-gí ê pán-pún kā hoan-e̍k chò Hō-ló-oē ê Goá Ka-tī.

Goā-pō͘ liân-kiat[siu-kái]