Kim-jī-thah

Wikipedia (chū-iû ê pek-kho-choân-su) beh kā lí kóng...
Bí-kok Long Beach Chiu-li̍p Tāi-ha̍k ê ūn-tōng-tiâⁿ sī 1 ê kim-jī-thah.

Kim-jī-thah sī jīm-hô 1 ê kiā-bīn saⁿ-kak-hêng ê kiàn-tio̍k-bu̍t; tē-ki saⁿ-kak ia̍h sì-kak--ê siōng phó͘-phiàn. Kim-jī-thah ê "kim-jī" chí Hàn-jī 金 ê hêng. In-ūi kim-jī-thah jú oá thô͘-kha jú chia̍h tāng, chá-chêng ê bûn-bêng khò chit ê goân-lí khí chāi-té ê kì-liām-bu̍t (monument). Kúi-ā-chheng-nî lâi, Tē-kiû téng-koân siōng kài toā, miâ-siaⁿ siōng chhèng ê kiàn-tio̍k-bu̍t sī Ai-ki̍p ê kim-jī-thah; chóng--sī khí kim-jī-thah ê bûn-bêng oan-ná ū pa̍t-ê.