NATO tāi-hō

NATO tài-hō (NATO bīng-miâ, pak-iok tāi-hō, pak-iok bīng-miâ ; eng-gí: NATO reporting name; hàn-gí: 北約代號, 北約命名) sī líng-tsèn ê sî-tsūn NATO khah soo-lên kap tiong-kok kun-sū tsong-pī (military technology) sóo khí ê pian-hō (numbering scheme) kap bīng-miâ (name). Ná-ū tsit-e̊ NATO tāi-hō ê tshut-hēn, sī in-uī teh líng-tsèn sî-tāi tsit nng-e̊ kok-ka ê kun-sū tsong-pī tsi si̍t-tsè tài-hō kap bīng-miâ it-puañ lóng bô hoo se-hong kok-ka sóo liáu-kái.^[1] Pí-lû, Lōo-si-ia ê hong-tsà-ki Tupolev Tu-160, NATO tāi-hō kiò-tsò "Blackjack". Lî-tshiáñ soo-lên kah tiong-kok tsit nn̄g-e̊ kok-ka pīng-bô tshiūñ NATO kok-ka hit-tsióng hoo sóo-ū-e̊ kun-sū tsong-pī pen tāi-hō ê thuân-thóng. In-tshú in tsiâñ-tse ê tsong-pī sī bô tāi-hō-e̊. Koh uî-tio̍h NATO lāi-pōo ê kun-sū tsham-siông khí-kèn, sóo-í NATO tan hong-bīn tsè-tīng tsit-tsióng bīng-miâ hē-thóng ê tsè-tōo.

Koh-lâi, pōo-hūn kuè-khì bat-sī Warsaw tiâu-iok tsoo-tsit (Организация Варшавского Договора) ê sîng-guân, m̄-kù tsit-má í-king ka-ji̍p NATO ê tang-au kok-ka, pí-lû: Chesko, Slovakia, Poland, Hungary, Bulgaria tíng-tíng kok-ka. Sui-jiân tsia-e̊ kok-ka iu-guân tiāñ-tiāñ koh-teh sú-iōng soo-lên tsè-tsō ê kun-hué, m̄-kù tsia-e̊ kok-ka sóo-ū-e̊ soo-lên tsè-tsō ê kun-hué, í-king uì guân-sen soo-lên e lāi-pōo tāi-hō kái-tsō NATO tāi-hō, tsit-má í-king m̄ sī hēn-tsú-sî Lōo-si-ia ê GRAU pian-hō (Индекс ГРАУ). Lia̍h-tsún-kóng koh-teh sú-iōng kah Lōo-si-ia kāng-khuán kiril zī-bó ê Bulgaria, tsit-e̊ kok-ka hēn-tsú-sî sóo-ū-e̊ soo-lên tsè-tsō-e̊ kun-hué iá-sī iōng NATO tāi-hō lâi ting-lo̍k-e̊.