Oa̍t-lâm lâng-miâ

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Oa̍t-lâm lâng-miâ ē-sái hūn 3-ê pō͘-hūn: "sèⁿ" (họ), "tiong miâ" (tên đệm) kap "miâ" (tên).

Sèⁿ[siu-kái]

Oa̍t-lâm siāng toā ê sèⁿNguyễn (阮 [Ńg]), koh lâi sī Trần (陳 [Tân]), (黎 [Lê]), Phạm (范 [Hoān]), kap Hoàng (黃 [N̂g]) téng-téng. Sèⁿ tī lâng miâ lāi-té sī pâi tī siāng thâu-chêng.

Tiong miâ[siu-kái]

Tiong miâ ē-sái kéng ê jī chin chió, cha-bó͘-lâng chha-put-to lóng ēng Thị (Hàn-jī siá "氏" [Sī]) lâi hō tiong miâ. Cha-po͘ ê tiong miâ khah chē khoán, m̄-koh mā sī í Văn (文 [Bûn]) chò toā-hūn.

Oa̍t-lâm-lâng nā î-bîn khí Tâi-oân, Hiong-káng, he̍k-chiá kî-tha bô tiong miâ hē-thóng ê Hàn-miâ kok-ka, ū-sî ē kā tiong miâ theh tiāu.

Miâ[siu-kái]

Miâ, ia̍h sī kóng "chheng miâ" (tên chính), sī si̍t-chè tāi-piáu chú-lâng ê jī. Pau-hâm chèng-sek ê tiûⁿ-ha̍p, Oa̍t-lâm lâng si̍p-kòan ēng miâ lâi chheng-ho͘ lâng, chhan-chhiūⁿ "Nguyễn Văn Minh" ē hōng chheng chò "ông Minh" (ia̍h tio̍h sī "Minh sian-siⁿ" ê ì-sù), m̄-sī "ông Nguyễn".