Pêⁿ-po͘-cho̍k

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
1897-nî hip--ê, Tâi-pak Kanatsui-siā ê Pêⁿ-po·-cho̍k-lâng.
Chá-kî Tâi-ôan ê gôan-chū-bîn-cho̍k hun-pò͘.

Pêⁿ-po·-cho̍k sī khiā tī Tâi-ôan pêⁿ-iûⁿ khu-he̍k ê gôan-chū-bîn-cho̍k. "Pêⁿ-po·" tō-sī pêⁿ-iûⁿ ê ì-sù. Ū lâng tō kán-séng kā pêⁿ-po·-cho̍k kóng-chò Pêⁿ-po·, chóng--sī Pêⁿ-po·-cho̍k khêng-si̍t sī chí bô-kâng bûn-hòa, bô-kâng gí-giân, bô-kâng pō·-lo̍k jīn-tông ê kúi-ā-tīn cho̍k-kûn, só·-í mā ū lâng chú-tiuⁿ tio̍h hō-chò Pêⁿ-po·-cho̍k-kûn khah tùi-tâng.

Tī chha-put-to 400-tang chêng Hàn-jîn chiah tú chhian-sóa lâi Tâi-ôan khui-hng kap khiā-khí chìn-chêng, Tâi-ôan sai-pêng ê pêⁿ-iûⁿ, chá tō ū chiâⁿ-chē Pêⁿ-po·-cho̍k tī hia, ùi Ke-lâng it-ti̍t kàu Hêng-chhun lóng ū Pêⁿ-po·-cho̍k khiā-khí, sīm-chì pau-koat āu-soaⁿ ê Gî-lân mā ū Kavalan Pêⁿ-po·-cho̍k.

Pêⁿ-po·-cho̍k chit-ê miâ, í-keng ū ta̍k-ê kòan-sì ê hōan-ûi tī leh, chhin-chhiūⁿ Amis-cho̍k sui-bóng tōa-pō·-hūn mā khiā tī pêⁿ-iûⁿ, m̄-koh tō bô sǹg tī Pêⁿ-po· lāi-té.

Pêⁿ-po·-cho̍k kap Hàn-jîn ê gí-giân hām bûn-hòa lóng koh-iūⁿ, nā chiàu gí-giân, siā-hōe, bûn-hòa kap thé-chit lâi khòaⁿ, in hām Ko-soaⁿ Goân-chū-bîn kāng-khóan, tī Jîn-lūi-ha̍k lóng sio̍k-tī Lâm-tó-gí-cho̍k.

Gōa-pō· liân-kiat[siu-kái]

Wikimedia Commons ū koan-hē Plains Aborigines of Taiwan ê to-mûi-thé tóng-àn.


Tâi-oân goân-chū-bîn

Koaⁿ-hong ū sêng-jīm: Atayal | Bunun | Kavalan | Paiwan | Pangcah | Puyuma | Rukai | Saisiyat | Sakizaya | Seediq | Tao | Thao | Tsou | Truku

Bô sêng-jīm: Babuza | Basay | Hoanya | Ketagalan | Luilang | Pazeh/Kaxabu | Popora | Qauqaut | Siraya | Taokas | Trobiawan