Studio system

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Studio systemEng-gí-sû, ì-sù sī tiān-iáⁿ chè-chok kong-si ê hē-thóng, i sī chí Bí-kok ê Hollywood ùi 1920 nî-tāi chho͘-kî kàu 1950 nî-tāi chho͘-kî, tiān-iáⁿ ê chè-chok kap siau-thâu ê chù-iàu hē-thóng kap chhiú-lō͘. Chit-ê hē-thóng si̍t-chè-siōng ê choh-hoat pau-koat:

  • Toā-keng ê tiān-iáⁿ chè-chok kong-si ēng tn̂g-kî ê khè-io̍k chhiàⁿ ū chhòng-ì ê jîn-oân lâi phah-phìⁿ, in phah ê tiān-iáⁿ, chú-iàu lóng tī in ka-tī ê phah-phìⁿ-tiûⁿ chìn-hêng.
  • Thàu-koè the̍h-tio̍h só͘-iú-koân iah kî-thaⁿ ū-sū-sái ê hong-sek lâi chiám-ak hoè-kha (tiān-iáⁿ ê hun-siau-siong) kap hì-hn̂g, ta̍t-sêng thán-khiā ê chéng-hoē (vertical integration). Bo̍k-tek sī beh sú-iōng chù-bûn ê ki-su̍t lâi khòng-chè kap khak-tēng tiān-iáⁿ ê siau-lō͘.

1948 nî Bí-kok Choè-ko Hoat-īⁿ phoàⁿ-koat chit-lō hun-siau kap hòng-sàng ê chhiú-lō͘ ûi-hoat, chō-sêng chit-ê hē-thóng chin kín tō pang-pāi--khì. 1954 nî, siōng-boé 1 ê toā-keng chè-chok kong-si kap hì-hn̂g ê cho͘-ha̍p kiat-sok, Studio system ê sî-tāi mā kàu chia kiâⁿ ji̍p le̍k-sú. Ùi thâu-chi̍t-chhut ū-siaⁿ tiān-iáⁿ (1927) chhut-hiān, it-ti̍t kah hoat-īⁿ phoàⁿ-koat ûi-hoat, tì-sú Studio system ê cho͘-ha̍p hun-thiah (1927/29–1948/49), chit-toāⁿ sî-kan, phó-thong mā kiò-chò Hollywood ê N̂g-kim Nî-tāi (the Golden Age of Hollywood).