Thó-lūn:Siû-chúi
泅水(游泳)，是靠一个人家己的力量來浮佇水的懸頂、借家己肢體的動作佇水中運動向前的一種技能。泅水運動會使分做競技泅水佮實用泅水，其中競技泅水講的是Olympic運動會中的第二大項目，包括蝶泳、仰泳（背泳）、蛙泳（爬泳）佮捷泳（自由式）這四款的姿勢，另外猶有花樣泅水。
早期的泅水活動，是貴族佮軍隊訓練的重要部份，公元前25世纪古早的埃及就有相siâng的泅水活動。古早的羅馬人嘛已經會曉起大浴間仔，泅水是貴族的休閒活動。18世紀，工人有愈來愈濟的機會會使泅水，泅水就漸漸變做是誠普遍的一種休閒活動。
19世紀中期，競技泅水開始佇英國佮澳洲舉行。1837年英國游泳協會成立，現代泅水競賽的歷史嘛對遮開始。1869年，英國業餘泅水總會成立，這是世界第一个國家泅水總會。二十世紀初，世界逐國的泅水比賽愈來愈濟。1894年6月16日，佇Paris成立國際Olympic委員會的時陣，泅水就是1896年的Olympic項目。1908年，國際泅水聯合會（FINA）成立。
國際規則佮規定[kái goân-sí-bé]
比賽項目[kái goân-sí-bé]
國際上，查埔佮查某的泅水比賽攏有下跤這幾項：
- 自由式：50米、100米、200米、400米、800米、1500米、100米4人接力、200米4人接力。
- 蝶 式：100米、200米。仰式100米、200米。
- 蛙 式：100米、200米。
- 混合式：200米、400米、4人100米接力。
- 蛙式、蝶式佮自由式愛對出發台上起跳入水；啊仰式就只要直接對水池遐出發。
出發[kái goân-sí-bé]
- 佇捷泳（自由泳）、胸泳（蛙泳）佮蝶泳的比賽中，參賽者一定愛用跳水的方式來開始入水。佇背泳佮四式接力賽中，只要對池中出發就會使。
捷泳[kái goân-sí-bé]
- 佇捷泳的比賽中，參賽者泅水的方式會使家己決定，毋過佇個人四式佮四式接力的項目中，泅捷泳的時陣是袂使進行背泳、胸泳抑是蝶泳。佇轉身抑是到終點的時陣，捷泳參賽者會當用身體的任何部位來接觸水池的壁。
背泳[kái goân-sí-bé]
- 背泳比賽佇開始的時陣，參賽者愛面向出發台，雙手共扶手掠咧。佇起跳訊號發出了後，參賽者的跤脊骿愛面對水池下跤來進行比賽。照規定，任何參賽者佇泅了之前，攏愛保持背泳的正確姿勢，身軀會使有動作，但是袂使比90度較大（頭無佇這个要求之內），若無，比賽資格就會去予人取消。轉身接觸水池壁了後，泅水的人會使家己選擇轉身動作，毋過佇跤離開水池壁進前，身軀就愛擱變轉來正確的泅水姿勢。
泅水前的準備[kái goân-sí-bé]
熱身運動[kái goân-sí-bé]
- 佇泅水前應該愛先熱身15分鐘左右，共身軀的關節佮肌肉攏活動活動一下，按呢才袂因為游泳池的冷水造成糾筋。
- 泅水之前愛先用溫水沖沖咧，按呢才袂感覺傷冷。因為沖溫水（在30－40℃之間）才會使共身軀降溫一下，按呢會予身軀的溫度佮水池中的溫度（一般是27℃左右）較接近淡薄。
泅水前的裝備[kái goân-sí-bé]
泅水衫仔褲[kái goân-sí-bé]
泅水的衫仔褲一定愛合軀。若是講傷大，佇泅水的時陣，水會對縫走入來，造成身體阻力，影響泅水的動作。所以泅水的衫仔褲上好是愛穿拄仔好。
泅水帽仔[kái goân-sí-bé]
泅水時應該愛戴泅水帽仔，特別是查某囡仔，因為伊會使予頭毛保持整齊。有時水質無好的時陣，嘛會使保護頭毛。泅水帽仔應該愛選尼龍抑是橡膠材質的，袂使傷大，若無，泅水的時陣會落落來，影響泅水。
安全設備[kái goân-sí-bé]
一開始佇學泅水的時陣，上好是愛家己準備一个會浮的物件，親像救生輪（衫）、泡沫塑膠、浮標、拍水板仔。但是家己準備遮的物件，著愛定定檢查救生衫抑是救生輪有漏氣無，按呢才袂發生啥物意外。
泅水目鏡[kái goân-sí-bé]
若是水質無清氣，泅水時黴菌會走入去目睭內，產生紅眼病。為著無愛去染著眼病，泅水著愛戴泅水目鏡。對初學泅水的人來講，戴泅水目鏡嘛會使予目睭佇水底猶會使擘金看物件。
面巾佮淺拖仔[kái goân-sí-bé]
面巾佮淺拖仔佇泅水的時陣一定愛攢予便。泅水泅甲一半佇歇睏時抑是泅了上岸的時陣，會使用面巾共身軀拭予焦，用面巾共身軀幔咧、共淺拖仔穿咧。按呢毋但較袂去寒著、較袂感冒，嘛較衛生。冬天泅水，面巾佮淺拖仔是更加重要的物件。
耳窒仔[kái goân-sí-bé]
佇泅水的時陣，水流入去耳空是無法度阻擋的。耳空入水了後，耳空會感覺無爽快，有時陣會造成痛疼，甚至會影響著聽力。為著無愛予水走入來耳空，著應該愛準備耳窒仔。