Thó-lūn:Hì-lô-pēⁿ

Wikipedia (chū-iû ê pek-kho-choân-su) beh kā lí kóng...
(Tùi 肺癆病 choán--lâi)
跳至導覽 跳至搜尋

肺癆病[kái goân-sú-bé]

肺癆病華語: 肺結核; 英語: Tuberculosis)。

簡介[kái goân-sú-bé]


肺癆病,是肺部感染結核桿菌(Mycobacterium tuberculosis)了後出現的疾病,患者的肺部遭受病菌的侵蝕煞來結做規粒規粒,若像果子的核,所以人著共叫做"肺結核",

結核桿菌有法通佇的身體上濟濟器官當中造成敗害,因為結核桿菌通過空氣傳染,由呼吸道進入人體內部,所以肺癆病算講是一切結核病當中發病機率上蓋捷的一種。

傳染病學[kái goân-sú-bé]


根據世界衛生組織(WHO)的研究表明,肺癆病已經成最全球性的危機。

1995年,全球攏總有310萬人因為得著肺癆來死亡,也著是講平均每10秒鐘著有一个肺癆病人過身,啊結核桿菌嘛成做世界第一大的傳染病原體,估計到甲2015年,全球感染肺癆的人會超過10億,其中約略有兩億人會發病,7000萬人會死亡,照這个統計數字來講,到甲彼陣,大約每過一秒鐘著有兩个人死佇肺癆病。

肺癆病的分類[kái goân-sú-bé]


肺癆病會當分做開放性(disseminated)佮非開放性兩種。

  1. 非開放性肺癆:病人本身的痰瀾抑是瀾鬚無紮病菌,袂傳染。
  2. 開放性肺癆:病人的痰、瀾鬚紮病毒佇咧,當當病人khām嗽抑是拍咳啾了後,病菌會通過瀾鬚傳佈到空氣當終,造成空氣污染,順紲共病菌穢予健康人。

發病的過程[kái goân-sú-bé]


毋是講所有感染著肺癆病菌的人攏會發病,有的人體質較勇,免疫系統正常的,準講感染著病菌了後,嘛無一定現發病,有的然甚至攏毋知家己已經感染病菌,抑毋過,到甲怹體質變虛弱,免疫能力下降了後,體內的肺癆病菌著會開始發作,出現一寡仔症狀。

有的免疫能力真正虛弱的病人,若穢著病菌了後,病菌著會馬上對肺部組織造成敗害,病菌會通過血路循環抑是淋巴腺,真緊擴散到身軀的其他器官,閣紲落去,症狀會佇咧短期來出現,病人真有可能佇短短兩三禮拜著來死亡。

- 肺部組織發炎,形成纖化抑是鈣化,結核桿菌侵蝕肺部附近的血管佮淋巴腺,造成淋巴腺腫大。

- 病菌隨著血液循環抑是淋巴腺擴散到身體的其他部位,比喻講腦膜、肝臟、腰子、骨格、股髓、脾臟、腰子腺等等,造成大範圍又閣嚴重的敗害。

症狀[kái goân-sú-bé]


肺癆發作的時,病人會出現下跤的症狀:

  • 喀喀嗽、血痰、痚呴喘
  • 糜飯食袂落去,袂消,消瘦落肉
  • 暗時咧睏gâu流凊汗,失眠
  • 下晝時gâu流汗,會熱

若出現遮的症狀了後,著愛趕緊接受治療,毋通延誤時機,若無,等待病菌擴散了後,病情進一部惡化,欲來治療著加真僫,毋若拖沙,嚴重的閣會導致死亡。

診斷方法[kái goân-sú-bé]


  • 照電光檢查(Chest X-ray)
  • 皮下試針(PPD,tuberculintest)
  • 顯微鏡化驗痰的樣本(Sputum Smear Direct Microscopy)
  • 痰中的細菌培育(Sputum Culture)
  • 支氣管鏡的檢查(Bronchoscopy)
  • 活組織檢查(Tissue Biopsy)
  • 電腦掃描(CT Scan)

預防[kái goân-sú-bé]


若欲有效預防佮控制肺癆的傳染,必須對下跤三方面做起:

  • 斬斷傳染路線

病人愛特別注意個人衛生,khām嗽抑是拍咳啾的時,愛用手巾仔掩咧,毋通烏白呸痰,閣愛定時定量服藥,降低傳染佮控制病菌繁殖。

  • 控制病原,做到冗早發現、冗早隔離、冗早治療

病人的家屬,親情朋友攏總愛接受檢查,若發現有感染抑是有症狀的,著愛冗早進行治療,避免病菌閣再擴散。

政府愛長期對外來人員做肺部檢查,比論講照電光,防止外來傳染。

  • 防止接觸病菌了後發病
預防注射,接種抗病菌的疫苗"BCG Vaccination"
保持充足的睏眠時間
適當做運動,提懸抵抗力
注意控制食食正常
保持呼吸新鮮的空氣
增強體魄
病人愛及時接受治療