Callot Chí-moāi
Callot Chí-moāi (hoat. Callot Soeurs) sī Hoat-kok Pa-lí ê chi̍t keng sî-mo͘ chhâi-hông-tiàm, sī 1895 nî ê sî Marie Gerber, Marthe Bertrand, Régine Tennyson-Chantrelle kap Joséphine Crimont 4-ūi chí-moāi khúi--ê, só͘-chāi ùi Taitbout Lō͘ (rue Taitbout) téng.
In pat ùi 1900 nî chham-ka Pa-lí ê Bān-kok Phok-lám-hōe, siū tio̍h kî-tha gia̍p-chiá ê him-sióng; mā pat ùi 1915 nî San Francisco ê Thài-pêng-iûⁿ Panama Kok-chè Phok-lám-hōe (eng. Pacific Panama International Exposition) tián chhut, hiòng Bí-kok thui-kóng sán-phín. In it-ti̍t kàu 1920 nî-tāi iá koh chin ōa-hiáⁿ.
1928 nî, Gerber ê hāu-seⁿ chiap-chhiú sū-gia̍p jî-chhiá sóa tiàm kòe Montaigne Tōa-ke (avenue Montaigne); 1937 nî Gerber lú-sū thè-hiu, kong-si hō͘ lēng-gōa chi̍t keng gia̍p-chiá Calvet khip-siu khì, Callot Chí-moāi ê pâi-chú tè-bé sī î-chhî kàu 1948 nî Calvet koaiⁿ-gia̍p.
Chham-khó
[siu-kái | kái goân-sí-bé]- Michelle Tolini Finamore (2004). "Callot Sisters". Chū Valerie Steele. Encyclopedia of Clothing and Fashion. Charles Scribner's Sons. ISBN 0-684-31394-4.
 | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |