Chhì-juh

Sūi-se chhài-chhī-á teh bē ê chhì-juh.

Chhì-juh iā chhì-suh (Eng-gí: cheese) sī ēng gû-leng, iûⁿ-leng ia̍h-sī kî-thaⁿ ê chhī-leng tōng-bu̍t ê leng chò ê kò͘-thé chia̍h-mi̍h. I chú-iàu sī ēng 1 khoán siau-hoà kàⁿ-sò͘ (hō chò rennet) kap chi̍t-koá sè-khún lâi siau-hoà kap sng-hoà (acidification) leng, hō͘ i kiat-tàng. Sè-khún éng-hióng chhì-juh ê kháu-bī kap kháu-kám. Ū-koá chhì-juh mā khò seⁿ-ko͘ lâi chè-chō.

Thong sè-kài ū sò͘-pah-chióng chhì-juh.