Ko-hiông-chhī Im-ga̍k-koán
Ko-hiông-chhī Im-ga̍k-koán (高雄市音樂館) ūi-tī Ko-hiông-chhī iâm-tiâⁿ-khu, tī chú-āu 2000 nî 11 goe̍h ê sî-chūn sêng-li̍p, hām Ko-hiông Chhī-li̍p Le̍k-sú Phok-bu̍t-koán pēng-li̍p tī Ài-hô piⁿ-á.
ko-hiông-chhī Im-ga̍k-koán ūi-tī Tiong-chèng-sù-lō͘ kap Hô-se-lō͘ ê kau-chhe-kháu, sī chi̍t tòng 5 chân ê lâu-á-chhù; kî-tiong, 1 lâu kàu 3 lâu sī im-ga̍k ián-chàu-thiaⁿ, 4 kàu 5 lâu hun-pia̍t sī Kong-hiông-chhī Kau-hióng-ga̍k-thoân kap Ko-hiông-chhī Kok-ga̍k-thoân ê pān-kong-sek kiam pâi-liān-sek. Im-ga̍k ián-chàu-thiaⁿ ū 384 ê chō-ūi, sek-ha̍p sió-hêng sek-lāi im-ga̍k kap si-tiok-ga̍k ê piáu-ián. Nn̄g-pêng sī hêng-chèng pān-kong-sek kap pâi-liān-sek. Khoân-jiáu im-ga̍k-thiaⁿ hôe-lông sī im-ga̍k gián-si̍p kàu-sek, sī-thiaⁿ-sek kap tô͘-su-koán téng-téng. Im-ga̍k-koán ê tē-hā-sek liân-kiat Ko-hiông Kok-chè Hōe-gī Tiong-sim, lóng-chóng ū 476 ê thêng-chhia-ūi. Im-ga̍k-koán goā-kháu ê kóng-tiûⁿ sī thiⁿ-lō͘ ê im-ga̍k piáu-ián-tâi.