Lân-iâng-khe
Lân-iâng-khe (蘭陽溪), khah-chá hō-chò Gî-lân Lô-chúi-khe (宜蘭濁水溪), sī chi̍t tiâu ūi-tī Tâi-oân tang-pak-pō͘ Lân-iâng Pêⁿ-po͘ ê toā-tiâu khe-chúi, iā sī Gî-lân-koān kéng-lāi siōng-tiōng-iàu ê khe-chúi. Lân-iâng-khe ê chú-liû choân-tn̂g ū 73 kong-lí. Lân-iâng-khe hoat-goân Gî-lân-koān chham Tâi-tiong-chhī kau-chiap só͘-chāi ê Lâm-ô͘ Pak-soaⁿ. Lân-iâng-khe liû-keng Sam-seng-hiong, Îⁿ-soaⁿ-hiong, Gō͘-kiat-hiong, Gî-lân-chhī kap Chòng-ûi-hiong, chòe-āu lâu-ji̍p Thài-pêng-iûⁿ.