Paddington Hîm
Paddingtong hîm sī jî-tông bûn-ha̍k toing ê chhòng-chok jîn-bu̍t. I tē-it-pái chhut-hiān tī 1958 nî 10 goe̍h 13 hō jî-tông tho̍k-bu̍t 《Paddingtong hîm》lāi-té, jî-chhiáⁿ tī Eng-kok chok-ka Michael Bond siá—ê 20 gōa pún chheh lāi-té chhut-hiān, sī Peggy Fortnum, David McKee kap kî-thaⁿ gē-su̍t-ka ūi chhah-tô͘.[1]
Ùi “Siōng o͘-àm ê Peru” lâi ê iú-siān ba̍k-kiàⁿ-hîm, tì i ê kū bō-á, phòa-kô͘-kô͘ ê phê-siuⁿ, cho͘-mn̂g gōa-thò kap tùi kam-á ké-chí-chiùⁿ ê jia̍t-ài, í-keng chiâⁿ-chòe jî-tông bûn-ha̍k lāi-té ê keng-tián jîn-bu̍t. Paddington hîm sī chi̍t-chiah gí-lâng ê hîm, i lóng chiok ū lé-māu, chheng-ho͘ lâng “sian-siⁿ”, “hu-jîn” kap “sió-chiá”, chin chió ti̍t-chiap kiò lâng ê miâ. Jî-chhiáⁿ i chin hó-sim, sui-jiân i ē tùi hit-kóa i bē-sóng ê lâng giâm-giâm kā gîn. I ū bû-hān ê lêng-le̍k bû-ì toing jiá mâ-hoân, m̄-koh ta̍k-ke lóng-chai, i “chin-sim chin-le̍k kā tāi-chì chò hó-sè”. I sī tī Paddington chhia-thâu hông (jîn-lūi) Brown in chi̍t-ke hoat-hiān, kā i siu-ióng, hō-miâ kiò “Paddington Brown”, in-ūi i goân-lâi ê hîm-gú miâ tùi in lâi-kóng siuⁿ-kè oh hoat-im.
- ↑ "Michael Bond: 'Paddington stands up for things, he's, not afraid of going to the top and giving them a hard stare'". The Guardian. 10 September 2019 khòaⁿ--ê.