Sòng Hi-tong
| Sòng Hi-tong | |
|---|---|
 | |
| Koa-chhiú | |
| Goân-bûn miâ |
ᠠᡴᡧᠠᠨ 宋熙东 |
| Lô-má-jī | Akšan |
| Chhiok-hō | 东子、东哥 |
| Kok-che̍k |
 People's Republic of China |
| Chhut-sì |
1979年 People's Republic of China内蒙古自治区兴安盟乌兰浩特市白狼镇 |
| Chit-gia̍p | 歌手 |
| Gí-giân | 汉语、满语、蒙古语 |
| Im-ga̍k lūi-hêng | 民族音乐、满族音乐 |
| Oa̍h-hiáⁿ sî-tāi | 2006年至今 |
Sòng Hi-tong (宋熙東, ᠠᡴᡧᠠᠨ/Akšan, Boán-cho̍k, chó͘-che̍k Liâu-lêng, chhut-siⁿ tī Lāi-bông-kó͘ chū-tī-khu Hèng-an-bêng Ou-lân-hō-te̍k-chhī Pe̍h-lông-tìn ê chi̍t-ê boán-cho̍k ko-kip ti-sek-hūn-chú ke-têng, chó͘-che̍k Liâu-lêng, boán-gí goân-chhòng koa-chhiú Pang-bô͘:RefTag, ū Bông-kó͘-cho̍k hiat-thóng.
Seng-peng
[siu-kái | kái goân-sí-bé]Chá-kî Im-ga̍k Seng-gâi
[siu-kái | kái goân-sí-bé]Seng-oa̍h tī Lāi-bông-kó͘ ê Sòng Hi-tong, chū sòe-hàn chiū khai-sí tùi im-ga̍k ū te̍k-pia̍t ê hèng-chhù.
1997-nî, tú-chiah ko-tiong pit-gia̍p ê Sòng Hi-tong ūi-liáu ta̍t-sêng ka-kī ê im-ga̍k-bāng, chi̍t-ê-lâng lâi-kàu Pak-kiaⁿ phah-piàⁿ. Keng chi̍t-ūi bông-kó͘-cho̍k ló-hiong ê kài-siāu jīn-sek liáu Têng-kek-nī Chhong-lông Ga̍k-tūi ê siú-se̍k bé-thâu-khîm-su Choân-sèng. I kāng Sòng Hi-tong tī Chheng-hôa-tōa-o̍h hù-kūn ê chi̍t-ê chiú-pa chhōe-tio̍h chi̍t-hūn kang-chok. Sòng Hi-tong mā in-chhú pat-liáu chi̍t-kóa Tiong-iong Bîn-cho̍k Tōa-o̍h im-ga̍k ha̍k-īⁿ ê sian-siⁿ kah tâng-o̍h, o̍h--liáu chiâⁿ-chōe im-ga̍k ê tì-sek.
Chi̍t-nî āu, Sòng Hi-tong sû--liáu chiú-pa ê kang-chok, khì kāng Choân-sèng kah Tô͘-lī-kó͘-nī, Chhong-lông Ga̍k-tūi ê kiàn-pôaⁿ-chhiú) tá-lí lio̍k-im-pîⁿ. Hit kúi-nî sī Sòng Hi-tong siōng-kài khoài-lo̍k ê ha̍k-sip ê sek-an. Sòng Hi-tong tī Lio̍k-im-pîⁿ lāi-bīn chiap-chhiok--tio̍h iā-chōe tāi-su.
Kāng Têng-kek-nī lio̍k-im ê sî-choeh, Sòng Hi-tong keng-siong hiòng i chheng-kau chhiùⁿ-koa hong-bīn ê ki-khiáu, siū-ek iā-chōe. Kî-kan, i koh iú-hēng tam-jīm--liáu Tek-tek-má ê koa <Hū-chhin ê chháu-goân bú-chhin ê hô> ê chêng-kî lio̍k-im kang-chok.
Thoân-sêng Bán-cho̍k Im-ga̍k
[siu-kái | kái goân-sí-bé]In-ūi ka-kī sī boán-cho̍k-lâng, i it-ti̍t siūⁿ-beh chai-iáⁿ boán-cho̍k ê im-ga̍k kiù-kèng sī sím-mih-khoán.
2006-nî, Sòng Hi-tong jīm-sek--liáu boán-cho̍k tông-pau So͘-le̍k (蘇勒), in nn̄g-ê chòe-tīn chhòng-chok kah kái-phian--liáu iá-chōe boán-gí koa. Āu-piah, Sông Hi-tong iū-koh thong-kòe Sou-le̍k pat--liáu koh-khah-chōe ê tī-leh o̍h boán-gí ê pêng-iú. Kúi-nî sek-an ê ha̍k-sip, i í-keng ū-hoat kiau kî-tha pêng-iú ēng boán-gí kau-liû. Ta̍k-gê keng-siong chòe-tīn ēng boán-gí káng-kó͘, chhiùⁿ-koa. In koh keng-siong khì tang-pak chhái-hong ha̍k-sip.
2009-nî 10-ge̍h, Sòng Hi-tong iū-koh khì O͘-lêng-kang Hù-jū-koān Sam-ka-chú-chhun kah Ou-hô koán-hat ê chhun chhái-hong ha̍k-sip. I tī hit-liah chhōe-tio̍h iá-chōe ū-hoat ēng boán-gí káng-ōe kau-liû ê lāu-lâng. Tong-sî Sòng Hi-tong chiong ka-kī chhòng-chok ê boán-gí koa chhiùⁿ hō͘ lāu-lâng thiaⁿ sî, lāu-lâng ké kám-thàm káng: "Goân-lâi boán-cho̍k-ōe kah boán-cho̍k-koa koh bōe lak--khì!". Chit-pái ê chhái-hong keng-iû Kiat-lîm Tiān-sī-tâi hia̍p-chō͘, Tang-pak thoân-mûi Tōa-o̍h ê ha̍k-seng ēng DV lio̍k-siōng chè-chok sêng kì-lio̍k-phìⁿ <Chòe-āu ê Pa-tô͘-ló͘>.
2010-nî 11-ge̍h, Lāi-bông-kó͘ Ūi-sī <Ùi-lâm ê Kò͘-hiong - Im-ga̍k Pō͘-lo̍k> nôa-bo̍k tùi Sòng Hi-tong chìn-hêng--liáu choan-hóng. 12-ge̍h 4-ji̍t iū-koh pò͘-chhut--liáu <Boán-gí Koa-chiá Sòng Hi-tong>, ūi koan-chiòng tián-sī--liáu boán-gí koa-khiok kah boán-cho̍k thoân-thóng soat-pō͘ - "U-la-pún".
Chok-phín
[siu-kái | kái goân-sí-bé]| Koa-miâ | Bo̍k Lîn-tek Choán-siá | Hàn-gí Miâ | Pī-chù |
|---|---|---|---|
| ᡧᠣᠩᡴᠣᡵᠣ | Šongkoro | Hái-tong-chheng (海東青) | |
| ᡝᡵᡝᠴᡠᠨ | Erecun | Ge̍k-nī-chhun (Ô-lô-chhun, 額爾春) | Pa̍t-miâ Chê-ha-lân (Chhî-ha-lân, 齊哈闌) |
| ᠠᡵᡴᡳ ᡠᠴᡠᠨ |
Arki Ucun | Chiú-koa (酒歌) | |
| ᡥᠠᡵᡤᠠᡧᠠᠮᡝ ᠸᡝᠴᡝᡵᡝ ᠠᠯᡳᠨ |
Hargašame Wecere Alin | Bōng-chè-soaⁿ (望祭山) | |
| ᠰᡳᠪᡝ ᠰᠠᡵᡤᠠᠨ ᠵᡠᡳ |
Sibe Sargan Jui | Sek-pek Ko͘-niû (錫伯姑娘) | |
| ᠠᠨᡩᠠᠰᠠ ᡳ ᠮᡠᠵᡳᠯᡝᠨ |
Andasa i Mujilen | Pêng-iú ê Sim (朋友的心) | Pa̍t-miâ Pêng-iú (ᡤᡠᠴᡠ, 朋友) |
| ᠮᠠᠨᠵᡠ ᡥᠠᡥᠠᠵᡠᡳ |
Manju Hahajui | Boán-ka Gín-á (滿家娃) | |
| Kho-nī-chhìm ê Êng-iāu (科爾沁的榮耀) | |||
| ᠰᠠᡵᠯᠠ | Sarla | Sat-nī-la (薩爾拉) (Hoe-bé, 灰馬) | |
| ᠮᡠᡴᡨᠠᠴᡠᠨ | Maktacun | Chó͘-kok-siōng (祖國頌) | Pa̍t-miâ "Kî-hok Tiong-hôa" (祈福中華) |
| ᠰᡠᠩᡤᠠᡵᡳ ᡠᠯᠠ ᡝᠨᡩᡠᡵᡳ |
Sunggari Ula Enduri | Siông-hoa-kang-sîn (松花江神) | |
| ᠮᡳᠨᡳ ᠰᡠᡴᠰᡠᡥᡠ ᠪᡳᡵᠠ |
Mini Suksuhu Bira | Góa ê So͘-khek-sò͘-hō͘-hô (我的苏克素护河) | |
| Éng-lêng Boán-cho̍k Sió-o̍h Hāu-koa (永陵滿族小學校歌) | |||
| ᠨᠠᡴᠠ | Naka | Thêng (停) | Hoan-chhiùⁿ O͘-khek-lân cho͘-ha̍p "Sèng-lú thian-thoân" ê Stop! Stop! Stop! |
| ᠪᡝᠪᡠ ᠮᡠᡩᠠᠨ |
Bebu Mudan | Io-nâ-khiok (搖籃曲) | |
| Iô-chhang-koa (甩葱歌) (Boán-gí-pán) | Hoan-chhiùⁿ Hun-lân koa-iâu Ievan Polkka |
Chham-khó Chu-liāu
[siu-kái | kái goân-sí-bé]Gōa-pō͘ Liân-chiap
[siu-kái | kái goân-sí-bé]- Kiat-lîm Tiān-sī-tâi. "<Chòe-āu ê Pa-tô͘-ló͘>, YouTube".
- Lāi-bông-kó͘ Ūi-sī. "<Ùi-lâm ê Kò͘-hiong - Im-ga̍k Pō͘-lo̍k>, Tiong-kok Bāng-lo̍k Tiān-sī-tâi".[íng-íng bô-hāu ê liân-kiat]
- Lāi-bông-kó͘ Ūi-sī. "<Mán-gí koa-chiá Sòng Hi-tong>, YouTube".
- Koa-chhiú Sòng Hi-tong ê Sin-lōng Bî-phok