Siàu-lú ê Káng-oan

Siàu-lú--ê Káng-oan (-港灣) iah-sī Siàu-lú-káng (Ji̍t-gí: 乙女の港, Hùn-lēng-sek: Otome no Minato) sī tī 1938 nî hoat-hêng--ê Ji̍t-pún tn̂g-phiⁿ liân-chài siàu-lú siáu-soat. Lo̍h Chhoan-toan Kong-sêng (川端康成)--ê miâ, si̍t-chè iû tē-chú Tiong-lí Hêng-chú (中里恒子) phah chhó-kó (草稿), Chhoan-toan siu-kái. Kóng kàu-hoē lú-chú ha̍k-hāu ha̍k-moē kah ha̍k-chí chi-kan, sio-siâng chí-moē--ê Esu (Ji̍t-gí "S", chí chí-moē "sister") koan-hē.

Chiong-hoê (章回)

Siàu-lû--ê Káng-oan chóng-kiōng ū 10 chiuⁿ:

Kéng Hoe (花選び)
Bo̍k-tiûⁿ kap Âng Chhù-téng (牧場と赤屋根)
Bô Khui--ê Mn̂g (開かぬ門)
Gîn-sek--ê Hāu-mn̂g (銀色の校門)
Ko-goân (高原)
Chhiu-hong (秋風)
Sin-chhù (新しい家)
Hû-hûn (浮雲)
Âng si̍p-jī (赤十字)
Chhut-phâng--ê Chhun-thiⁿ (船出の春)

Kak-sek

Tâi-hô-goân Sam-chhian-tsú (大河原三千子 (おおがわら　みちこ), Ôgawara Mitiko)

Tha̍k 1 (it) nî. Siu-tio̍h Iông-chú kap Khek-tsú 2 ê ha̍k-chí--ê phoe.

Pat-bo̍k Iông-chú (八木洋子 (やぎ　ようこ), Yagi Yôko)

Tha̍k 5 nî. Iú-téng-seng, gâu Hoat-gí.

Khek-tsú (克子 (かつこ), Katuko)

Tha̍k 4 nî. Ū chú-tōng--ê kok-sèng.

Keng-tsú (経子 (つねこ), Tuneko)

Kap Sam-chhian-tsú kâng-pan, mā sī i--ê iù-tī-hn̂g tông-o̍h.

Chham-khó