Tâi-oân Hú-khún-kio̍k
Tâi-oân Hú-khún-kio̍k (臺灣撫墾局) sī tī Tâi-oân Chheng-tiâu sî-tāi bóe-kî siat-li̍p lâi hū-chek soaⁿ-tē hêng-chèng kap koán-lí goân-chū-bîn sū-bū ê koaⁿ-hong ki-kò͘. Chú-koán koaⁿ-oân sī Tok-pān Tâi-oân Hú-khún Tāi-sîn, iû Tâi-oân Sûn-hú kiam-jīm; chú-iàu ê chèng-chhek chip-hêng-chiá sī Pang-pān Tâi-oân Hú-khún Tāi-sîn. Hú-khún-chóng-kio̍k siat-tì chāi Toā-kho-khàm; ē-kha koh ū Toā-kho-khàm Hú-khún-kio̍k, Tang-sì-kak Hú-khún-kio̍k, Po͘-lí-siā Hú-khún-kio̍k, Pat-lí-sa Hú-khún-kio̍k, Lîm-î-po͘ Hú-khún-kio̍k, Han-chî-liâu Hú-khún-kio̍k, Hêng-chhun Hú-khún-kio̍k kap Tâi-tang Hú-khún-kio̍k 8 ê hun-kio̍k.
1895 nî khai-sí, Tâi-oân chìn-ji̍p Ji̍t-pún sî-tāi, hú-khún-kio̍k mā tòe-leh pī chhâi-thiat.