跳至內容

Kok-li̍p Tâi-oân Tāi-ha̍k

Wikipedia (chū-iû ê pek-kho-choân-su) beh kā lí kóng...
(Tùi Tâi-oân Tāi-ha̍k choán--lâi)
Kok-li̍p Tâi-oân Tāi-ha̍k
國立臺灣大學

tô͘-su-kóan
Hāu-hùn 敦品勵學,愛國愛人
Hāu-hùn
hoan-e̍k
Tun-phín Lē-ha̍k, Ài-kok Ài-jîn
Lūi-pia̍t kok-li̍p
Khí-chō 1928 nî 3 goe̍h 17 ji̍t (1928-03-17)
Hāu-tiúⁿ Tân Bûn-chiong
Kàu-su

Choan-jīm: 2,064 lâng

Kiam-jīm: 1,347 lâng (2018 nî)
Ha̍k-seng 32,923 lâng (2022 nî)
Só͘-chāi
Liân-bêng Tâi-oân Tāi-ha̍k Liân-bêng
Bāng-chām http://www.ntu.edu.tw/
tóng-àn:National Taiwan University logo.svg

Kok-li̍p Tâi-ôan Tāi-ha̍k (國立臺灣大學), Tâi-oân chhut-miâ ê tāi-ha̍k, kán-chheng Tâi-tāi (臺大).

Ha̍k-hāu tī 1928 nî iû Ji̍p-pún Tâi-oân Chóng-tok-hú sêng-li̍p, gôan-miâ Tâi-pak Tè-kok Tāi-ha̍k. 1945 nî kái miâ Kok-li̍p Tâi-ôan Tāi-ha̍k.

Tâi-tāi hāu-iú tiong, kàu-taⁿ bat chhut 1 ê Nō-bé-luh-chióng tit-chú, 4 ê Tiong-hôa Bîn-kok chóng-thóng, í-ki̍p 84 ê Tiong-iong Gián-kiù-īⁿ īⁿ-sū.

Le̍k-jīm Hāu-tiúⁿ

[siu-kái | kái goân-sí-bé]
Tâi-pak Tè-kok Tāi-ha̍k chóng-tiúⁿ
Jīm-chhū Sèⁿ-miâ Jīm-kî Pī-chù
1 Sidehara Taira 1928/3 - 1937/9 Ji̍t-pún le̍k-sú-ha̍k-ka, kàu-io̍k-ka
2 Chitanori Mita 1937/9 - 1941/4 Ji̍t-pún i-ha̍k-ka
3 Masatsugu Andō 1941/4 - 1945/3 Ji̍t-pún Ji̍t-gí gí-giân-ha̍k-chiá
4 Kazuo Andō 1945/3 - 1945/8 Ji̍t-pún hòa-ha̍k kang-têng-ha̍k-ka
Kok-li̍p Tâi-oân Tāi-ha̍k hāu-tiúⁿ
Jīm-chhū Sèⁿ-miâ Jīm-kî Pī-chù
1 Lô Chong-lo̍k 1945/8 - 1946/2/9
1946/4/9 - 1946/5
Tiong-kok si̍t-bu̍t-ha̍k-ka.
2 Lio̍k Chì-hông 1946/8/13 - 1948/5/31 Tiong-kok kang-têng-ha̍k-ka, Tiong-gián-īⁿ īⁿ-sū.
3 Chng Tiông-kiong 1948/6/1 - 1948/8/1
1948/8/29 - 1948/12/7
Tiong-kok hòa-ha̍k-ka; jīm-lāi chhéng-sî 2 pái, bóe--á iû Pò͘ Su-nî chiap-chhiú.
tāi-lí Tō͘ Chhong-bêng 1948/12/8 - 1949/1/19 Tâi-oân i-ha̍k-ka; Tâi-tāi I-ha̍k-īⁿ īⁿ-tiúⁿ kiam-jīm kàu-bū-tiúⁿ kiam-jīm tāi-lí hāu-tiúⁿ.
4 Pò͘ Su-nî 1949/1/20 - 1950/12/20 Tiong-kok le̍k-sú ha̍k-ka, kàu-io̍k-ka, Tiong-gián-īⁿ īⁿ-sū; jīm-lāi in phòa-pēⁿ kòe-sin,bâi-chōng tī hāu-hn̂g lāi-té ê Pò͘-hn̂g.
tāi-lí Sím Kong-pek 1950/12/20 - 1951/3 Tiong-kok le̍k-sú-ha̍k-ka; kàu-bū-tiúⁿ kiam-jīm tāi-lí hāu-tiúⁿ.
5 Chîⁿ Su-liōng 1951/3 - 1970/6 Tiong-kok hòa-ha̍k-ka, Tiong-gián-īⁿ īⁿ-sū.
6 Giâm Chín-heng 1970/6 - 1981/8 Tiong-kok chúi-lī kang-têng-ha̍k-ka
7 Gû Tiāu-tiong 1981/8/1- 1984/8/1 Tiong-kok tô͘-bo̍k kang-têng-ha̍k-ka
8 Sun Chìn 1984/8/1 - 1993/2/27 Tiong-kok keng-chè-ha̍k-ka; chhut-jīm Tiong-hôa-bîn-kok Kok-hông-pō͘ pō͘-tiúⁿ.
tāi-lí Koeh Kong-hiông 1993/2/27 - 1993/6/21 Tâi-oân tōng-bu̍t-ha̍k-ka; kàu-bū-tiúⁿ chiam-jīm tāi-lí hāu-tiúⁿ
9 Tân Uî-chiau 1993/6/22 - 2005/6/21 Tâi-oân i-ha̍k-ka
10 Lí Sū-gîm 2005/6/22- 2013/6/21 Tâi-oân tiān-ki kang-têng-ha̍k-ka[1]
11 Iûⁿ Phoàn-tî 20135/6/21 - 2017/6/21 Tâi-oân i-ha̍k-ka, Tiong-gián-īⁿ īⁿ-sū
tāi-lí Tiuⁿ Khèng-sūi 2017/6/21 - 2017/10/1 Tâi-oân bu̍t-lí-ha̍k-ka, hêng-chèng hù-hāu-tiúⁿ kiam-jīm tāi-lí hāu-tiúⁿ
tāi-lí Koeh Tāi-uî 2017/10/1 - 2019/1/8 Tâi-oân tiān-náu kho-ha̍k-ka; ha̍k-su̍t hù-hāu-tiúⁿ kiam-jīm tāi-lí hāu-tiúⁿ
12 Koán Tiong-bín 2019/1/8 - 2023/1/7 Tâi-oân keng-chè-ha̍k-ka, Tiong-gián-īⁿ īⁿ-sū; goân-té beh tī 2018 nî 2 goe̍h 1 hō chiūⁿ-jīm, m̄-kò siū-tio̍h hāu-tiúⁿ lîn-soán sū-kiāⁿ éng-hióng, it-ti̍t kàu kâng-nî 12 goe̍h 24 hō chiah thê-tio̍h Kàu-io̍k-pō͘ he̍k-khó, liâm-mi tī 2019 nî 1 goe̍h 8 hō chiūⁿ-jīm. Tān-sī kâng-goe̍h 15 hō in-ūi i jīm chèng-hú kong-chit kî-kan chhap ū tio̍h kiam-chit ê chêng-sū, hō͘ Kàm-chhat-īⁿ tân-hāi, î-sàng Kong-bū-oân Têng-kài Úi-oân-hōe sim-lí āu hŏng phòaⁿ sin-kài.
13 Tân Bûn-chiong 2023/1/8- Tâi-oân hòa-kang-ha̍k-ka.

Kàu-ha̍k Tan-ūi

[siu-kái | kái goân-sí-bé]

Tâi-oân Tāi-ha̍k lóng-chóng ū 12 ê ha̍k-īⁿ (college), 3 ê choan-gia̍p ha̍k-īⁿ (school), ē-kha siat iú 56 ê ha̍k-hē, 133 ê gián-kiù-só͘, 19 ê sek-phok-sū ha̍k-têng.

Chia-ê 14 ê ha̍k-īⁿ kap choan-gia̍p ha̍k-īⁿ hun-pia̍t sī:

  • Bûn-ha̍k-īⁿ
  • Lí-ha̍k-īⁿ
  • Siā-hōe Kho-ha̍k Īⁿ
  • I-ha̍k-īⁿ
  • Gê-i-ha̍k Choan-gia̍p Ha̍k-īⁿ
  • Io̍h-ha̍k Choan-gia̍p Ha̍k-īⁿ
  • Kang-ha̍k-īⁿ
  • Seng-bu̍t Chu-goân kap Lông-ha̍k Ha̍k-īⁿ
  • Siù-i Choan-gia̍p Ha̍k-īⁿ
  • Koán-lí Ha̍k-lí
  • Kong-kiōng Ōe-seng Ha̍k-īⁿ
  • Tiān-ki Chū-sìn Ha̍k-īⁿ
  • Hoat-lu̍t Ha̍k-īⁿ
  • Seng-bēng Kho-ha̍k Īⁿ
  • Tiōng-tiám Kho-ki Gián-kiú Ha̍k-īⁿ

Koh-ū 4 ê ha̍k-īⁿ-kip kàu-ha̍k tan-ūi:

  • Kok-chè Ha̍k-īⁿ
  • Chìn-siu Thui-kóng Ha̍k-īⁿ
  • Chhòng-sin Siat-kè Ha̍k-īⁿ
  • Kiōng-tông Kàu-io̍k Tiong-sim

Gián-kiù Tiông-sin

[siu-kái | kái goân-sí-bé]

Hāu-chóng-khu

[siu-kái | kái goân-sí-bé]
Tâi-tâi Chóng Tô͘-su-koán thâu-chêng ê Chín-heng Chháu-pêⁿ (振興草坪)

Tâi-tāi hāu-chóng-khu (校總區) tī Tâi-pak-chhī Tāi-an-khu ê Kong-koán [zh], bīn-chek 115.49 kong-khéng, sī Tâi-pak Tè-kok Tāi-ha̍k ê kū-chí. Chin chē kàu-ha̍k tan-ūi lóng tī chia, chhiūⁿ bûn, lí, kang, seng-bu̍t chu-goân (lông), koán-lí, seng-bēng kho-ha̍k, hoat-lu̍t, siā-hōe kho-ha̍k, tiān-ki chu-sìn téng-téng ha̍k-īⁿ. Hāu-chóng-khu koh ū hêng-chèng tiong-sim, Chóng Tô͘-su-koán, Lông-gia̍p Tîn-lia̍t-koán, Tâi-tāi Lông-tiûⁿ [zh], Tōng-bu̍t Pēⁿ-īⁿ, Hî-gia̍p Seng-bu̍t Chhì-giām-só͘, Chúi-kang Chhì-giām-só͘. Chin chē ha̍k-seng sok-siā kiau kàu-chit-oân sok-siā mā lóng tī hāu-chóng-khu.

Tâi-pak Chúi-goân Hāu-khu

[siu-kái | kái goân-sí-bé]

Chúi-goân Hāu-khu (水源校區) tī Tâi-pak-chhī Tiong-chèng-khu, Tâi-pak Chúi-tō-chúi Goân-tē tùi-bīn, bīn-chek 6.78 kong-khéng. Chia pún-lâi sī Kok-hông I-ha̍k-īⁿ ê só͘-chāi-tē. 1999 nî Kok-hông I-ha̍k-īⁿ poaⁿ-chhian káu Lāi-ô͘-khu liáu-āu, chit tè tē kau hō͘ Tâi-tāi lâi sú-iōng. Tī hāu-chóng-khu lāi-té ûi-kui thêng-chhia, hŏng thoa-tiàu ê kha-ta̍h-chhia, ē sàng lâi-kàu chia pó-koán.

Tâi-pak Siâⁿ-tiong Hāu-khu

[siu-kái | kái goân-sí-bé]

Siâⁿ-tiong Hāu-khu (城中校區) tī Tâi-pak-chhī Tiong-chèng-khu, bīn-chek 14.55 kong-khéng. Tâi-tāi Pēⁿ-īⁿ sai-chí, tang-chí, I-ha̍k-īⁿ, Kong-ōe Ha̍k-īⁿ lóng tī chit-ê hāu-khu. Siā-hōe Kho-ha̍k Īⁿ, Hoat-lu̍t Ha̍k-īⁿ pún-té mā sī tī Siâⁿ-tiong Hāu-khu,

Hûn-lîm Hó͘-bóe Hāu-khu

[siu-kái | kái goân-sí-bé]

Hó͘-bóe Hāu-khu (虎尾校區) tī Hun-lîm-koān Hó͘-bóe-tìn, bīn-chek 57.03 kong-khéng, pau-hâm Tâi-tāi Pēⁿ-īⁿ Hûn-lîm Hun-īⁿ 5 kong-khéng. Tâi-tāi Lông-gia̍p Io̍k-sêng Thui-kóng Tiong-sim mā tī chit-ê hāu-khu.[2]

Sin-tek Tek-pak Hāu-khu

[siu-kái | kái goân-sí-bé]

Tek-pak Hāu-khu (竹北校區) tī Sin-tek-koān Tek-pak-chhī, bīn-chek 22.08 kong-khéng, bī-lâi sī kui-ōe chò sán-ha̍k ha̍p-chok kah thui-kóng kàu-io̍k ê ki-tē.

Kî-thaⁿ Hāu-tē

[siu-kái | kái goân-sí-bé]

Kéng-koan kap kiàn-tio̍k

[siu-kái | kái goân-sí-bé]

Siong-koan Sū-kiāⁿ

[siu-kái | kái goân-sí-bé]

Tân Bûn-sêng Sū-kiāⁿ

[siu-kái | kái goân-sí-bé]

Tâi-oân Pe̍h-sek Khióng-pò͘ sî-kî [zh] ê 1981 nî, Tâi-tāi bat hoat-seng Tân Bûn-sêng (陳文成) kàu-siū ê miā-àn, tiō-sī Tân Bûn-sêng Sū-kiāⁿ [zh], kàu-taⁿ chin-siòng put-bêng. 2014 nî, Tâi-tāi Ha̍k-seng-hōe tī hāu-bū hōe-gī thê-àn beh chiong àn-hoat tē-tiám hō-miâ chò Tân Bûn-sêng Kì-liām Kóng-tiûⁿ.[3]

Siông-sè chhiáⁿ khoàⁿ: Kok-li̍p Tâi-oân Tāi-ha̍k hāu-iú

Goā-pō͘ liân-kiat

[siu-kái | kái goân-sí-bé]
  1. 《2007 nî Tâi-oân Tāi-ha̍k Siāu-kài》
  2. "竹北分部籌備小組". 國立臺灣大學. 
  3. 翁嫆琄 (2014-06-14). "臺大生提議設陳文成廣場 校方原則同意". Newtalk新聞 (ēng Hôa-gí).