Tâi-lâm-chhī ê hêng-chèng-khu
(Tùi Tâi lâm chhī ê hêng chèng khu choán--lâi)
Tâi-lâm-chhī ê hêng-chèng-khu le̍k-keng kúi-nā pái kái-piàn, bo̍k-chiân ê Tâi-lâm-chhī sī 2010 nî koān-chhī ha̍p-pèng goân séng-hat Tâi-lâm koān-chhī liáu-āu, sêng-li̍p ê ti̍t-hat-chhī. Pún bûn-chiuⁿ chū 2010 liáu-āu, iā-chiū-sī hiān-chāi ê Tâi-lâm-chhī 37-khu ê hoān-ûi, kì-lio̍k chia-ê tē-khu siat-tì-kòe ê hêng-chèng-khu ê ián-piàn kòe-têng.
Tâi-lâm-chhī ê miâ ê iû-lâi kap chí-chheng hoān-ûi[siu-kái | kái goân-sí-bé]
■1920 nî si̍t-si chhī chè
■1936 nî Ē-khun-sin pèng-ji̍p
■1940 nî hó-bòe-liâu téng pèng-ji̍p
■1946 nî An-sūn-hiong pèng-ji̍p
"Tâi-lâm-chhī" ê miâ chèng-sek ê chhut-hiān ē-sái tāi-iok tui-sok chì Ji̍t-pún sî-tāi ê 1903 nî, tong-sî ê thó͘-tē tiau-cha-kio̍k í-keng kā "Tâi-lâm-chhī" iōng tī tē-chek téng, jiân-āu tī 1916 nî sî, khak-li̍p "Tâi-lâm-chhī" chò-ûi pó-lí-miâ ê tē-ūi, tān-sī chit-ê sî-kî ê Tâi-lâm-chhī kan-na tāi-piáu Chheng-kok sî-tāi ê Tâi-lâm Hú-siâⁿ só͘-chāi.