Adolf Hitler

Adolf Hitler.

Adolf Hitler (1889 nî 4 goe̍h 20 - 1945 nî 4 goe̍h 30) sī Ò-tē-lī chhut-sì ê Tek-kok chèng-tī-ka, sī Kok-ka-siā-hōe-chú-gī Tek-kok Lô-tōng-chiá-tóng (Nazi-tóng) ê léng-tō-jîn, Tek-kok Chóng-lí chham Tek-kok chóng-thóng (Führer). I tī 1925 nî chiòng i ê su-sióng kap chū-tōan siá-chòe Mein Kampf. I ê sèⁿ "Hitler" tī Tâi-ôan-ōe mā hō-chòe Hi-te̍k-le̍k ia̍h-sī Hitora.

Pêng-seng

Adolf Hitler tùi Ò-Hiong Té-kok ê Braunau am Inn chhut-sì, hū-chhin sī Alois Hitler, bú-chhin sī Klara Hitler. 16-hòe ê sî-chūn lī-khui tiong-ha̍k, pèng-bô the̍h-tioh ha̍k-le̍k. I siūⁿ-beh ji̍p-khì Wien Bí-su̍t Ha̍k-īⁿ (Akademie der bildenden Künste Wien), m̄-koh hō͘ kū-cho̍at, āu-lâi chìn-ji̍p Tek-kok kun-tūi.

Hitler tī Tē-it-chhù Sè-kài-tāi-chiàn liáu-āu ku̍t-khí, Weimarer Kiōng-hô sî-tāi léng-tō Nazi-tóng the̍h-tioh chèng-kôan, chín-heng Tek-kok ê keng-chè, tiông-kiàn kun-sū, kiàn-li̍p-khí ke̍k-kôan chèng-hú.

1939 nî, Hitler hoat-tōng chiàn-cheng ji̍p-chhim Polska, ín-khí Tē-jī-chhù Sè-kài-tāi-chiàn. Āu-lâi Tek-kok khiā-thâu ê Axis kok-ka chiàm-niá-liáu tōa-pō͘-hūn ê Au-chiu, chham A-chiu kap Hui-chiu ê chi̍t-kóa só͘-chāi. M̄-koh siōng-bé Tek-kok tī 1945 nî pāi-chiàn.

Tû-liáu chiàn-cheng, Hitler hoat-tōng ê tó͘-sat mā chō-sêng chì-chió kúi-ā-pah-bān lâng ê sí-bông, kî-tiong Iú-thài-jîn tāi-iok 600 bān lâng hō͘ thâi-sí. Chòe-āu Hitler tī i ê ki-tē Führerbunker chham Eva Braun kiat-hun, liáu-āu ang-á-bó͘ chò-hóe chū-sat.

Goā-pō͘ liân-kiat

• Hitler ê siòng-phìⁿ
• Hitler ê ián-soat

Pang-bô͘:Link FA