Wikipedia (chū-iû ê pek-kho-choân-su) beh kā lí kóng...
Nikola Tesla
Nikola Tesla (Serbia-gí: Никола Тесла, 1856 nî 7 goe̍h 10 ji̍t – 1943 nî 1 goe̍h 7 ji̍t) sī hoat-bêng-ka, bu̍t-lí-ha̍k-ka, ki-hâi kang-têng-su, kiam tiān-ki kang-têng-su. Tesla tī Croatia Smiljan (Смиљан) chhut-sì, sǹg sī Serbia-lâng, lō͘-boé chiâⁿ-chò Bí-kok kong-bîn. Tesla tùi tiān-chû-ha̍k ê hoat-tián ū toā kòng-hiàn. I ê choan-lī kap lí-lūn sī hiān-tāi kau-liû-tiān (AC) tiān-le̍k hē-thóng ê ki-chio̍h, chhan-chhiūⁿ to-siòng-ūi (polyphase) phoè-tiān (power distribution) hē-thóng kap AC mò͘-tah; ē-tàng kóng sī Tē 2 Pái Kang-gia̍p Ke̍k-bēng (Second Industrial Revolution) ê khí-tì. Ū lâng kóng Tesla sī "chhòng-chō 20 sè-kí ê kioh-siàu", "tiān ê siú-hō͘ sèng-jîn (patron saint)".
