Bí-chiu o͘-hîm

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
?Bí-chiu o͘-hîm
Seng-bu̍t-ha̍k hun-lūi
Kài: Animalia
Mn̂g: Chordata
Kong: Mammalia
Bo̍k: Carnivora
Kho: Ursidae
Sio̍k: Ursus
Chéng: U. americanus
Ha̍k-miâ
Ursus americanus
Pallas, 1780
Tông-gī-miâ

Euarctos americanus

American Black bear map.png

Bí-chiu o͘-hîm (ha̍k-miâ: Ursus americanus) sī Pak Bí-chiu siāng phó͘-phiàn ê hîm-chéng.

Chit chéng o͘-hîm Pak Bí-chiu tōa-pō͘-hūn só͘-chāi lóng ū tè chhōe, ē-sái kóng tùi Canada pak-pêng, Alaska-chiu lâm-pō͘ kàu México, tùi Tāi-se-iûⁿ kàu Thài-pêng-iûⁿ, lóng ū in ê kha-jiah, hoān-ûi pau-koah Bí-kok 39-ê chiu kap só͘-ū ê Canada séng. Tang-tiong-pō͘ kap Bí-kok lâm-pō͘ ê hîm tīn chú-iàu tī siū pó-hō͘ ê kong-hn̂g, pó-liû-khu lāi-bīn ê soaⁿ-khu kap chhiū-nâ-á lāi. Éng-kòe siāng chē hoān-sè ū 2-pah-bān-chiah hiah chē; 1980 nî-tāi kó͘ ê sò͘-ba̍k khah bô 20-bān. Ū lâng jīn-ûi kīn-lâi sió-khoá-á ū cheng-ka.

Bí-chiu o͘-hîm tn̂g 1.5 m. Hîm-bó iok-lio̍k 40 kg tāng, hîm-káng thong-siông 130 kg tāng. Chóng--sī 300 kg í-siōng--ê iā-sī ū. Hîm-kiáⁿ chhut-seⁿ sî kan-na 500 g. Bí-chiu o͘-hîm ba̍k-chiu sè-lúi, hīⁿ-á îⁿ-îⁿ, chhùi tn̂g-tn̂g, sin-khu tōa-châng, bóe té-té--ah. Mo͘ ê sek-tì ū chhim thô͘-sek, ū n̂g-kim-sek, ū pe̍h--ê. Chóng--sī tōa-pō͘-hūn ê hîm sī o͘-sek a̍h sī chhim chong-sek.

Siong-koan ê bûn-chiuⁿ[siu-kái]

Gōa-pō͘ liân-kiat[siu-kái]

Wikimedia Commons ū koan-hē Ursus americanus ê to-mûi-thé tóng-àn.