Enceladus (oē-chheⁿ)

Wikipedia (chū-iû ê pek-kho-choân-su) beh kā lí kóng...
Voyager 2 hō hip--ê

Enceladus, Thó͘-chheⁿ tē 6 toā lia̍p ê oē-chheⁿ, William Herschel1789 nî hoat-kiàn ê.[1] Sui-bóng sè lia̍p, khiok-sī piáu-bīn ū bô siâng khoán ê piáu-hiān, ū í-chá lòng toā toā khang ê cheng-khut (impact crater), mā ū kīn-lâi siū tē-pang tín-tāng lâi chō-chiâⁿ ê sin tē-hêng. Enceladus ê lâm-ke̍k ē phùn gá-suh, piáu-bīn pí-kàu iū-koh siàu-liân-khoán, mā ū sio-khì ùi loē-pō͘ pàng chhut-lâi, tì-tio̍h bo̍k-chêng jīn-ûi sī tē-chit ū teh oa̍h-tāng ê thian-bûn-thé. Tī goā thài-iông-hē kan-taⁿ ū kî-thaⁿ 2 ê thian-bûn-thé (Bo̍k-chheⁿ ê Io kap Hái-ông-chheⁿ ê Triton) oân-ná ū koan-chhat tio̍h po̍k-hoat oa̍h-tāng. Kin-kù hun-sek, phùn--chhut-lâi ê gá-suh sī tùi piáu-bīn ē-bīn ê e̍k-thài chúi-thé lâi ê. [2] Enceladus ê piáu-bīn khàm 1 têng ùi choâⁿ-khang kap Thó͘-chheⁿ ê E khoân lâi ê lia̍p-mi̍h (particles), tì-tio̍h i ū Thài-iông-hē khoàⁿ--khí-lâi siōng kim-ku̍t ê piáu-bīn.[3]

Chham-khó chu-liāu[siu-kái | kái goân-sí-bé]

  1. Planetary Body Names and Discoverers. Retrieved March 22, 2006.
  2. Cassini Images Of Enceladus Suggest Geysers Erupt Liquid Water At The Moon’s South Pole Archived 2011-07-25 at the Wayback Machine.. Retrieved March 22, 2006.
  3. C. C. Porco et al., Science 311, 1393 (2006).