Ài-kok Chióng-koàn

Ài-kok Chióng-koàn (愛國獎券) sī 1950 chì 1980 nî-tāi tī Tâi-oân, iû Tâi-oân-séng Chèng-hú ūi-tio̍h beh oān-kái châi-chèng khùn-lân só͘ hoat-hêng ê chióng-koàn, i-ê hoat-hêng tan-ūi sī Tâi-oân Gîn-hâng. Ài-kok Chióng-koàn tī Tâi-oân chûn-chāi 37-tang, lóng-chóng hoat-hêng 1171-kî. Tùi 1980 nî-tāi tiong-kî khai-sí, in-ūi chi̍t-chióng miâ-kiò Tāi-ke-lo̍k ê poa̍h-kiáu hong-sek sî-kiâⁿ, giâm-tiōng éng-hióng siā-hōe ti̍t-sū kap Ài-kok Chióng-koàn ê chèng-siông hoat-hêng. Chóng-sǹg tī 1987 nî 12 goe̍h 27 hō, Tâi-oân-séng Chèng-hú soan-pò͘ chiām-thêng hoat-hêng Ài-kok Chióng-koàn, Ài-kok Chióng-koàn chū-àn-ne chiâⁿ-chò le̍k-sú ê bêng-sû.