Ông-ko Liú-ko Iû Tâi-oân

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Ông--ko Liú--ko Iû Tâi-oân (Hàn-jī: 王哥柳哥遊台灣) sī Lí Hêng (李行), Tiân Hong (田豐) kap Tiuⁿ Hong-hâ (張芳霞) liân-ha̍p tō-ián--ê tâi-gí tiān-iáⁿ, tī 1959 nî tī Tâi-pak thâu chi̍t kái hòng-èng. Hun-chò téng ē nn̄g chi̍p.

Kio̍k-chêng[siu-kái | kái goân-sí-bé]

Tōa-kho͘--ê chhit ê-á--ê Ông--ko (Lí Koàn-chiong (李冠章) ián) kap sán-sán--ê saⁿ-lián-á-chhia su-ki Liú--ko (É-á-châi (矮仔財) ián) hō͘ sǹg-miā-sian sǹg kóng Ông--ko ē hó-gia̍h, Liú--ko oa̍h bōe kòe 44 kang, kiat-kó Ông--ko tio̍h ài-kok chióng-koàn thâu-chióng. ūi-tio̍h hō͘ Liú--ko tī sí chìn-chêng mài ū ûi-hām, nn̄g-lâng tio̍h iōng tāi-iok 40 kang--ê sî-kan tī Tâi-oân lâm-pak chhit-thô. Chòe-āu Liú--ko bô-sí, tō kap i--ê lú-pêng-iú A-hoe kong-chèng kiat-hun--ah.