Thó-lūn:Bāng-chì

Wikipedia (chū-iû ê pek-kho-choân-su) beh kā lí kóng...
(Tùi 網誌 choán--lâi)
跳至導覽 跳至搜尋

網誌[kái goân-sú-bé]

網誌 (blog)是一種網路媒體的形式,典型的網誌是一个捷捷更新的網站,伊的內容一般針對其他的網站的文章、消息抑是資源做紹介抑是評論,按照傳統,上新的文章彼網頁上頂懸,較舊的文章按照日期、題目收去佇倉庫 [1] 網誌的主題濟濟款。

網誌這詞佮英文的weblogblog平行使用,會使當做是同義詞,一般認為上代先用weblog這詞的是瓊恩‧巴杰(Jorn Barger),佇1997年12月。網誌這詞對2003年5月臺語文Weblog中心設站了後開始出現。

網誌的類別[kái goân-sú-bé]

網誌會使指個人的的網誌,這款網誌袂輸傳統的日誌,提供作者公開寫出伊的心聲,包括伊對日常生活的觀察佮想法,伊的起毛摺、藝術創作等等,網誌的作者會當一个以上,可比講家庭一家伙抑是朋友的箍仔,大部份的網誌開放予人留話回應。見若鬧熱起來,成做一个固定的討論箍仔,文章本身變成討論的初發點爾爾。

網誌的主題抑是目的萬萬種,袂少網誌興發表對主流政治文化抑是其他公共事物的觀察抑是評論,臺灣TWblog.net是一个咧。

行動網誌(Moblog)是mobileblog的合詞,是透過行動電話(手機仔)發消息、貼相的網誌。

網誌的家私佮科技[kái goân-sú-bé]

專門為網誌用者設計的軟體愈來愈濟,現代的網誌軟體無要求會曉任何電腦語言 (包括超文件標示語言)(HTML),對編輯、出版到管理回應文、推銷文章, 攏包含在內。

因為網誌強調時間性,部份軟體會踮網站顯示月拆仔抑是其他整理舊文章的法度。

為欲方便網誌相對話,Movable Type的設計人發明"牽轉來" (trackback)的機制,發表佇2002年。

網誌的內容嘛定定用RSS、Atom的可擴張標記語言(XML)資料格式出版,這款檔案方便站外的機器解答佮顯示上新的內容("聯佈",syndication),嘛有網站專門登記、收集、整理佮顯示對濟濟所在掠來的檔案。

鶴佬話網誌的歷史[kái goân-sú-bé]

2003年5月才出現用專業網誌軟體出版的鶴佬語網誌:臺語文Weblog中心(編碼用萬國碼)佮Taiwanese Blog (用臺語文軟體(Taiwanese Package)),進前雖罔已經有類似的網站佇咧(親像臺灣文學工作室、暗光鳥的厝),卻是無用網誌軟體編輯、出版;負責人嘛無認為(人因)的網站號做網誌。

站外資源[kái goân-sú-bé]