Alexander Pushkin

Wikipedia (chū-iû ê pek-kho-choân-su) beh kā lí kóng...
Alexander Pushkin

Alexander Sergeyevich Pushkin (Lō͘-se-a-gí: Алекса́ндр Серге́евич Пу́шкин, IPA: Sound [ʌlʲɪˈksandr sʲɪˈrgʲevʲɪtɕ ˈpuʂkʲɪn]?, 1799 nî 6 goe̍h 6 ji̍t – 1837 nî 2 goe̍h 10 ji̍t) sī Lō͘-se-a lōng-bān-chú-gī ê chok-ka, hông chun-chhûn chò Lō͘-se-a it-lia̍p-it ê si-jîn, pēng-chhiáⁿ sī Lō͘-se-a bó-gí bûn-ha̍k Lō͘-se-a bûn-ha̍k ê khai-ki-chiá. Pushkin ēng kháu-gí lái siá si kap kha-pún, chhòng-chō 1 chióng thàu-lām hì-ke̍k, lōng-bān-sú (romance), kap khoe-sé (satire) ê kóng-kó͘ hong-keh, tùi boé-āu ê Lō͘-se-a chok-ka éng-hióng kài toā. 1833 nî hoat-piáu ê si Tâng Khî-sū (Медный всадник) sī Pushkin ê tāi-piáu-chok.